PARTE 7
Jesus moris filafali toʼo Paulo sai dadur
Loron terseiru depois mate, Jesus moris filafali. Loron neʼe, nia mosu ba ninia dixípulu sira dala lima. Jesus kontinua hatudu ninia an ba sira iha loron 40 nia laran. Tuirmai, dixípulu balu haree Jesus kuandu saʼe ba lalehan. Liutiha loron sanulu, Maromak fakar espíritu santu ba Jesus nia dixípulu sira neʼebé hein iha Jeruzalein.
Tempu balu liu tiha, Maromak nia inimigu sira hatama apóstolu sira iha komarka, maibé anju ida halo sira sai livre. Dixípulu ida naran Estevão mate tanba inimigu sira tuda nia. Maibé, ita sei aprende katak Jesus hili inimigu sira-neʼe ida atu sai ninia atan neʼebé espesiál, no nia sai apóstolu naran Paulo. Tinan tolu ho balun depois Jesus mate, Maromak haruka apóstolu Pedro atu haklaken ba ema neʼebé laʼós judeu naran Cornélio, no sira neʼebé iha ninia uma.
Maizumenus liutiha tinan 13, Paulo komesa ninia viajen primeiru atu haklaken. Iha ninia viajen segundu, Timóteo tuir Paulo. Ita sei aprende oinsá mak Paulo no ninia maluk sira serbí Maromak iha momentu neʼebé haksolok no susar. Ikusmai, ema kaer Paulo. Tinan rua liu tiha, nia sai livre fali, maibé ikusliu, ema halo nia sai fali dadur no oho nia. Istória iha PARTE 7 neʼe, akontese durante maizumenus tinan 32.
IHA PARTE NE’E
ISTÓRIA 102
Jesus moris fali ona
Depois anju ida duir tiha fatuk husi rate, soldadu sira taʼuk tebes tanba Jesus nia mate-isin la iha ona.
ISTÓRIA 103
Iha sala neʼebé taka metin
Bainhira Jesus moris hiʼas fali tansá mak nia dixípulu sira la rekoñese nia?
ISTÓRIA 104
Jesus fila fali ba lalehan
Antes Jesus saʼe ba lalehan nia fó ninia dixípulu sira knaar importante ida ikus.
ISTÓRIA 105
Hein iha Jeruzalein
Tanbasá mak Jesus fakar espíritu santu ba nia dixípulu sira iha Pentekostes?
ISTÓRIA 106
Sai livre husi kadeia
Hodi hatama apóstolu sira iha kadeia, Na’i-ulun relijiaun sira hanoin ida-neʼe se hapara sira nia haklaken. Maibé Maromak nia planu ba sira mak oin seluk.
ISTÓRIA 107
Tuda fatuk ba Estevão
Nuʼudar ema tuda daudauk Estevão, nia halo orasaun neʼebé oin seluk liu.
ISTÓRIA 109
Pedro vizita Cornélio
Oinsá mak Maromak nia haree kona-ba ema husi nasaun seluk? Iha nasaun ida mak diʼak liu fali ida seluk ka lae?
ISTÓRIA 110
Timóteo—Paulo nia ajudante foun
Timóteo husik ninia família atu ba haklaken hamutuk ho Paulo.
ISTÓRIA 111
Joven ida neʼebé dukur
Éutico dukur tiha durante Paulo nia diskursu primeiru, maibé nia matan moris durante nia diskursu segundu. Tanba sá? Buat neʼebé akontese mak milagre duni.
ISTÓRIA 112
Ró nakfera besik rai oan ida
Bainhira sira lakon ona esperansa atu moris, Paulo simu mensajen katak Maromak sei salva sira.
ISTÓRIA 113
Paulo iha Roma
Oinsá mak Paulo bele halaʼo nia knaar nuʼudar apóstolu iha komarka laran?