PARTE 8
Buat neʼebé Bíblia fó-hatene nanis sai loos
Bíblia laʼós deʼit hatete kona-ba istória loos neʼebé akontese iha tempu uluk, maibé mós fó-hatene kona-ba saida mak sei akontese iha futuru. Ema la bele hatene nanis kona-ba futuru. Tan neʼe mak ita hatene katak Bíblia mai husi Maromak. Saida mak Bíblia hatete kona-ba futuru?
Bíblia hatete kona-ba Maromak nia funu boot. Iha funu neʼe, Maromak sei hamoos mundu hodi halakon buat aat no ema aat hotu, maibé nia sei proteje sira neʼebé serbí nia. Maromak nia liurai, Jesus Kristu, sei tau matan ba Maromak nia atan atu moris ho dame no ksolok, no mós atu nunka sai moras no mate.
Ita bele sente kontente tanba Maromak sei halo paraízu foun iha mundu, loos ka lae? Maibé se ita hakarak atu moris iha paraízu neʼe, ita tenke halo buat ruma. Iha istória ikus iha livru neʼe, ita aprende saida mak ita presiza halo atu hetan buat furak neʼebé Maromak prepara ba ema neʼebé serbí nia. Entaun, lee PARTE 8 no mai ita haree saida mak Bíblia fó-hatene nanis kona-ba futuru.
IHA PARTE NE’E
ISTÓRIA 114
Buat aat hotu nia rohan
Tansá mak Jeová haruka Jesus no ninia tropa atu funu iha Armajedón?
ISTÓRIA 115
Paraízu foun iha Rai
Hori uluk kedas ema hela iha paraízu iha rai, no aban bainrua ema sei hela fali iha paraízu.
ISTÓRIA 116
Oinsá mak ita bele moris ba nafatin
Aprende kona-ba Jeová no Jesus deʼit toʼo ona ka lae? Ita presiza aprende saida tan?