LISAUN 17
Koʼalia iha dalan neʼebé ema komprende
1 Korinto 14:9
SAIDA MAK ITA PRESIZA HALO: Ajuda rona-naʼin atu komprende signifikadu husi buat neʼebé Ita hatoʼo.
OINSÁ ATU HALO IDA-NEʼE:
-
Estuda Ita-nia informasaun ho didiʼak. Komprende didiʼak tópiku, hodi nuneʼe Ita bele esplika ho simples no uza Ita-nia liafuan rasik.
-
Uza fraze badak no simples. Maski la sala atu uza fraze naruk, maibé diʼak atu hatoʼo pontu importante ho fraze badak no simples.
-
Esplika liafuan neʼebé ema la hatene. Se bele, keta uza liafuan neʼebé rona-naʼin la hatene. Se Ita presiza koʼalia kona-ba liafuan neʼebé rona-naʼin la hatene, hanesan naran husi Bíblia, kostume ka liafuan antigu neʼebé ema uza atu sukat buat ruma, Ita presiza esplika ida-neʼe.
