LISAUN 19
Hakaʼas an atu book ema nia laran
Provérbios 3:1
SAIDA MAK ITA PRESIZA HALO: Ajuda Ita-nia rona-naʼin atu hafolin informasaun neʼebé sira rona no aplika ida-neʼe.
OINSÁ ATU HALO IDA-NEʼE:
-
Ajuda rona-naʼin atu analiza sira-nia an. Husu pergunta neʼebé book rona-naʼin atu analiza sira-nia hanoin no hakarak rasik.
-
Book sira atu iha motivu diʼak. Anima rona-naʼin atu analiza tanbasá sira hatudu hahalok diʼak. Ajuda sira atu iha motivu neʼebé diʼak, hanesan domin ba Jeová, ema, no Bíblia nia hanorin. Ajuda rona-naʼin atu aprende rasik, keta manda sira. Liuhusi Ita-nia aprezentasaun, Ita lakohi atu hamoe sira maibé anima sira atu halo buat neʼebé diʼak.
-
Dada atensaun ba Jeová. Esplika ho klaru oinsá Bíblia nia hanorin, prinsípiu no mós mandamentu, haleno Jeová nia hahalok sira no domin ba ita. Book rona-naʼin haburas hakarak atu hanoin kona-ba Jeová nia sentimentu no halo ninia laran kontente.