Uza dezeñu sira atu hanorin ho didiʼak. Ita bele uza dezeñu, mapa, tabela, ka buat seluk neʼebé ema bele haree atu halo klaru no hanorin deʼit pontu importante sira. Iha serbisu haklaken, Ita bele hatudu vídeo. Ajuda rona-naʼin atu hanoin-hetan dezeñu sira neʼebé Ita uza no mós pontu importante husi dezeñu neʼe.

Prepara didiʼak vídeo no dezeñu sira. Porezemplu, se Ita planu atu hatudu dezeñu ida husi plataforma, Ita tenke cek fali katak dezeñu neʼe ninia boot natoon atu rona-naʼin bele haree ho klaru.