LISAUN 19
Testemuña ba Jeová mak ema Kristaun neʼebé loos duni ka lae?
Ami Testemuña ba Jeová fiar katak ami Kristaun neʼebé loos. Tanbasá? Buka-hatene kona-ba ami-nia fiar bazeia ba saida, tanbasá ami bolu ami-nia an Testemuña ba Jeová, no domin neʼebé ami hatudu ba malu.
1. Testemuña ba Jeová nia fiar bazeia ba saida?
Jesus hatete: ‘Maromak nia liafuan mak lia-loos.’ (João 17:17) Hanesan Jesus, Testemuña ba Jeová nia fiar sempre bazeia ba Maromak nia Liafuan. Porezemplu, haree toʼok oinsá ami halo nuneʼe maizumenus husi tinan 1870. Iha tempu neʼebá, grupu kiʼik ida neʼebé bolu sira-nia an nuʼudar Estudante Bíblia komesa estuda Bíblia ho didiʼak hodi buka-hatene loloos saida mak Bíblia hanorin. Sira deside atu fiar deʼit ba buat neʼebé Bíblia hanorin, maski neʼe la hanesan ho igreja nia doutrina. No tuirmai, sira komesa fahe lia-loos husi Bíblia ba ema seluk. a
2. Tanbasá ami hanaran an nuʼudar Testemuña ba Jeová?
Jeová koʼalia kona-ba ema neʼebé serbí nia nuʼudar ninia “testemuña sira” tanba sira fó sai lia-loos kona-ba nia. (Ebreu 11:4–12:1) Porezemplu, iha tempu uluk Maromak dehan ba ninia povu sira: “Imi mak haʼu-nia testemuña.” (Lee Isaias 43:10.) Bíblia temi Jesus nuʼudar “Testemuña neʼebé Laran-Metin”. (Apokalipse 1:5) Tan neʼe iha tinan 1931, ami hili naran Testemuña ba Jeová. Ami orgullu tebes hodi uza naran neʼe.
3. Oinsá mak Testemuña ba Jeová hatudu domin hanesan Jesus?
Jesus hadomi tebes ninia dixípulu sira no haree sira hanesan família. (Lee Marcos 3:35.) Nuneʼe mós, Testemuña ba Jeová iha unidade no haree malu nuʼudar família ida deʼit. Tan neʼe ami bolu malu irmaun no irmán tanba ami hotu mak maun-alin fiar-naʼin. (1 Pedro 3:8) Ami mós halo tuir mandamentu neʼebé dehan: “Hadomi maluk fiar-naʼin hotu.” (1 Pedro 2:17) Testemuña ba Jeová hatudu domin neʼe iha dalan oioin, hanesan ajuda irmaun-irmán sira iha mundu tomak bainhira sira presiza ajuda.
KEʼE KLEʼAN
Aprende liután istória kona-ba Testemuña ba Jeová no buka-hatene liután evidénsia neʼebé hatudu katak ami Kristaun neʼebé loos.
Ema Kristaun neʼebé loos nia fiar bazeia ba Bíblia no sira haklaken lia-loos ba ema seluk
4. Ami-nia fiar bazeia ba Bíblia
Jeová fó sai nanis katak iha loron ikus sira, lia-loos husi Bíblia sei sai klaru liután. Lee Daniel 12:4, depois koʼalia hamutuk kona-ba pergunta tuirmai:
-
Saida mak “sei sai barak” iha Maromak nia povu nia leet nuʼudar sira aprende liután kona-ba Bíblia?
Haree toʼok oinsá Estudante Bíblia sira, inklui Charles Russell, estuda Maromak nia Liafuan. Loke VÍDEO, depois koʼalia hamutuk kona-ba pergunta tuirmai.
-
Iha vídeo neʼe, oinsá mak Charles Russell no ninia maluk Estudante Bíblia sira estuda Bíblia?
Ita hatene ka lae?
Dala ruma ami presiza halo mudansa ba hanorin balu neʼebé ami fiar. Tanbasá? Hanesan loro-matan neʼebé saʼe neineik-neineik ajuda ita atu haree ho klaru liután, Maromak mós halo ita komprende ninia Liafuan neineik-neineik hodi sai klaru liután. (Lee Provérbios 4:18.) Tan neʼe, maski Bíblia nia hanorin nunka troka, maibé bainhira ami komprende ho klaru liután, ami sei halo mudansa ba buat neʼebé ami fiar.
5. Ami moris tuir naran Testemuña ba Jeová
Tanbasá mak ami hili naran Testemuña ba Jeová? Loke VÍDEO, depois koʼalia hamutuk kona-ba pergunta tuirmai.
-
Tanbasá ami hili naran Testemuña ba Jeová?
Iha lia-bosok barak neʼebé fó sai kona-ba Jeová, tan neʼe Jeová hili ema atu sai ninia testemuña hodi sira bele fó sai katak nia mak Maromak neʼebé loos. Haree toʼok lia-bosok rua tuirmai.
Relijiaun balu hanorin katak Maromak hakarak ema atu uza imajen ka estátua iha sira-nia adorasaun. Maibé neʼe loos ka lae? Lee Levítico 26:1, depois koʼalia hamutuk kona-ba pergunta tuirmai:
-
Eskritura neʼe fó sai lia-loos saida? Jeová sente oinsá kona-ba adora estátua ka imajen?
Ulun-naʼin relijiaun balu hanorin katak Jesus mak Maromak. Maibé neʼe loos ka lae? Lee João 20:17, depois koʼalia hamutuk kona-ba pergunta tuirmai:
-
Eskritura neʼe fó sai lia-loos saida? Jesus no Maromak hanesan deʼit ka lae?
-
Ita sente oinsá hodi hatene katak Jeová haruka ninia Testemuña sira atu haklaken lia-loos kona-ba nia no ninia Oan-Mane?
6. Ami hatudu domin ba malu
Bíblia kompara ema Kristaun hanesan parte ida-idak husi isin-lolon ida deʼit. Lee 1 Korinto 12:25, 26, depois koʼalia hamutuk kona-ba pergunta tuirmai:
-
Ema Kristaun loos sei sente oinsá bainhira maluk fiar-naʼin seluk hetan susar?
-
Tuir Ita-nia haree, iha dalan saida deʼit mak Testemuña ba Jeová hatudu domin ba malu?
Bainhira Testemuña ba Jeová husi rai ida hetan susar, Testemuña sira husi rai seluk sei halo kedas buat ruma atu ajuda. Atu haree ezemplu ida, loke VÍDEO. Depois koʼalia hamutuk kona-ba pergunta tuirmai.
-
Oinsá mak buat neʼebé Testemuña ba Jeová sira halo iha tempu dezastre hatudu katak sira hadomi malu?
Ema Kristaun neʼebé loos hatudu domin ba ema neʼebé presiza
EMA BALU DEHAN: “Testemuña ba Jeová mak relijiaun foun.”
-
Horibainhira mak Jeová komesa bolu ninia povu nuʼudar ninia testemuña?
PONTU IMPORTANTE
Testemuña ba Jeová mak ema Kristaun neʼebé loos. Nuʼudar família boot ida iha mundu tomak, ami iha fiar neʼebé bazeia ba Bíblia no fó sai lia-loos kona-ba Jeová.
Rezumu
-
Tanbasá ami hanaran an nuʼudar Testemuña ba Jeová?
-
Oinsá mak ami hatudu domin ba malu?
-
Tuir Ita-nia hanoin, Testemuña ba Jeová mak ema Kristaun neʼebé loos duni ka lae?
BUKA-HATENE LIUTÁN
Aprende liután kona-ba Testemuña ba Jeová nia istória.
Testemuña ba Jeová—Hatudu fiar liuhusi hahalok, parte 1: Sai husi nakukun laran (1:00:53)
Haree ezemplu kona-ba oinsá Testemuña ba Jeová hatudu sai hanorin falsu sira.
Hetan resposta sira husi pergunta neʼebé karik Ita husu kona-ba Testemuña ba Jeová.
“Pergunta sira neʼebé baibain ema husu kona-ba Testemuña ba Jeová” (Informasaun iha jw.org/tdt)
Stephen halo krime hasoru ema husi rasa seluk tanba nia odi tebes sira. Buka-hatene oinsá mak buat neʼebé nia haree husi Testemuña ba Jeová sira troka ninia moris.
“Haʼu-nia moris sai aat liután ba beibeik” (Livru Haklaken, 1 Outubru 2015)
a Ami-nia revista, Livru Haklaken, halo no fó sai lia-loos husi Bíblia husi tinan 1879 toʼo agora.
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
