LISAUN 27
Oinsá mak Jesus nia mate bele salva ita?
Ita sai sala-naʼin, hetan terus no mate tanba ema primeiru, Adão no Eva la halo tuir Maromak. a Maibé neʼe la dehan katak ita la iha tan esperansa. Jeová haruka ninia Oan-Mane Jesus Kristu mai mundu atu mate ba ita hodi nuneʼe ita bele sai livre husi sala no mate. Bíblia hanorin katak Jesus nia mate sosa fali ita, no folin neʼebé Jesus uza atu selu ida-neʼe mak ninia moris neʼebé perfeitu. (Lee Mateus 20:28.) Bainhira Jesus entrega ninia direitu atu bele moris ba nafatin iha rai, neʼe loke dalan mai ita atu bele hetan fali buat hotu neʼebé Adão no Eva halo lakon ona. Jesus mós hatudu katak nia no Jeová hadomi tebes ita. Lisaun neʼe sei ajuda ita hafolin liután Jesus nia mate.
1. Oinsá mak Jesus nia mate lori benefísiu mai ita ohin loron?
Tanba ita hotu sala-naʼin, ita halo buat barak neʼebé halo Jeová triste. Maibé, se ita arrepende ita-nia sala no husu perdua ba Jeová liuhusi Jesus Kristu no hakaʼas an atu la halo tan sala neʼe, ita bele iha relasaun neʼebé besik tebes ho Maromak. (1 João 2:1) Bíblia dehan: “Kristu . . . mate dala ida deʼit ba nafatin ba ema nia sala, neʼe katak ema laran-loos ida mate ba ema neʼebé la hatudu hahalok loos, atu nuneʼe nia bele lori imi ba Maromak.”—1 Pedro 3:18.
2. Oinsá mak Jesus nia mate sei ajuda ita iha futuru?
Jeová haruka Jesus mai mundu atu mate nuʼudar ema perfeitu ‘atu nuneʼe ema hotu neʼebé hatudu fiar ba Jesus sei la lakon, maibé hetan moris rohan-laek’. (João 3:16) Tanba Jesus halo ona ida-neʼe, lakleur tan Jeová sei halakon terus hotu neʼebé mosu tanba Adão nia sala. Neʼe katak se ita hatudu fiar ba Jesus nia sakrifísiu, ita bele iha oportunidade atu moris haksolok ba nafatin iha mundu paraízu!—Isaias 65:21-23.
KEʼE KLEʼAN
Buka-hatene liután tanbasá Jesus mate, no oinsá mak neʼe lori benefísiu ba Ita.
3. Jesus nia mate halo ita livre husi sala no mate
Loke VÍDEO, depois koʼalia hamutuk kona-ba pergunta tuirmai.
-
Adão mak ema perfeitu neʼebé la halo tuir Maromak no tan neʼe mak ema hotu sai sala-naʼin no mate
-
Jesus mak ema perfeitu neʼebé halo tuir Maromak no tan neʼe mak ema hotu bele sai perfeitu fali no hetan moris ba nafatin
4. Jesus nia mate bele lori benefísiu ba ema hotu
Loke VÍDEO, depois koʼalia hamutuk kona-ba pergunta tuirmai.
-
Oinsá mak ema ida nia mate bele lori benefísiu ba ema hotu?
Lee 1 Timóteo 2:5, 6, depois koʼalia hamutuk kona-ba pergunta tuirmai:
-
Adão mak ema perfeitu, maibé tanba nia halo sala, ema hotu sai sala-naʼin no mate. Tanba Jesus mós ema perfeitu hanesan ho Adão, saida mak Jesus bele halo?
5. Jesus nia sakrifísiu mak prezente ida neʼebé Jeová fó ba Ita
Jeová nia belun sira haree Jesus nia sakrifísiu nuʼudar prezente ba sira ida-idak. Porezemplu, lee Galásia 2:20, depois koʼalia hamutuk kona-ba pergunta tuirmai:
-
Oinsá mak ita hatene katak apóstolu Paulo haree Jesus nia sakrifísiu nuʼudar prezente ida neʼebé nia rasik simu?
Bainhira Adão halo sala, nia no ninia bei-oan hotu hetan ona kastigu-mate. Maibé Jeová haruka ninia Oan-Mane mai no mate hodi Ita bele hetan oportunidade atu moris ba nafatin.
Nuʼudar Ita lee versíkulu sira tuirmai, imajina toʼok saida mak Jeová sente kuandu haree ninia Oan-Mane hetan terus. Lee João 19:1-7, 16-18, depois koʼalia hamutuk kona-ba pergunta tuirmai:
-
Ita sente oinsá kona-ba buat neʼebé Jeová no Jesus halo ona ba Ita?
KARIK EMA SEI HUSU: “Oinsá mak ema ida nia mate bele salva ema hotu?”
-
Ita sei hatán saida?
PONTU IMPORTANTE
Tanba Jesus nia mate, Jeová bele perdua ita-nia sala. Neʼe mós fó oportunidade mai ita atu moris haksolok ba nafatin.
Rezumu
-
Tanbasá mak Jesus mate?
-
Oinsá mak moris perfeitu neʼebé Jesus fó nuʼudar sakrifísiu bele hamoos ema nia sala?
-
Oinsá mak Jesus nia mate bele lori benefísiu ba Ita?
BUKA-HATENE LIUTÁN
Aprende kona-ba oinsá Jesus nia moris neʼebé perfeitu bele sosa fali ema barak nia moris.
“Oinsá Jesus nia sakrifísiu bele ‘sosa fali ema barak’?” (Informasaun iha jw.org/tdt)
Buka-hatene kona-ba saida mak ita presiza halo atu hetan salvasaun.
“Oinsá mak Jesus bele salva ita?” (Informasaun iha jw.org/tdt)
Jeová sei fó perdua mós ba sala neʼebé boot ka lae?
“Resposta ba pergunta sira kona-ba Bíblia” (Livru Haklaken, 1 Jullu 2013)
Haree oinsá mak aprende kona-ba Jesus nia sakrifísiu ajuda ona mane ida atu troka ninia hahalok.
“Haʼu laʼós tan atan ba violénsia” (Informasaun iha jw.org/tdt)
a Sala laʼós deʼit kona-ba hahalok aat neʼebé ema halo. Sala bele mós refere ba kondisaun la perfeitu neʼebé ema hotu simu.
Karik Ita sei gosta
PERGUNTA SIRA NEʼEBÉ BAIBAIN EMA HUSU
Kursu Bíblia hanesan saida mak Testemuña ba Jeová oferese?
Ita bele uza tradusaun Bíblia naran deʼit atu halaʼo kursu Bíblia interativu ho Testemuña ba Jeová ho gratuitu. Bele mós konvida Ita-nia kolega no família tomak atu estuda hamutuk.
