PARTE 9
Bainhira mak Maromak sei halo mundu sai paraízu?
Susar sira neʼebé mosu daudauk hatudu katak Maromak nia Ukun besik ona atu mai. Lucas 21:10, 11; 2 Timóteo 3:1-5
Bíblia fó-hatene nanis ona kona-ba buat barak neʼebé mosu daudauk ohin loron. Tuir Bíblia, ema sei hadomi osan, sai siʼak, hadomi deʼit ksolok, no mós oan sira sei la halo tuir inan-aman.
Iha mós rai-nakdoko, funu, rai-hamlaha no moras oioin. Buat sira-neʼe akontese daudauk.
Liután neʼe, Jesus fó-hatene nanis katak ema sei haklaken liafuan diʼak kona-ba Maromak nia Ukun iha mundu tomak.—Mateus 24:14.
Maromak nia Ukun sei halakon buat aat hotu. 2 Pedro 3:13
Lakleur tan, Maromak Jeová sei halakon ema aat hotu.
Satanás no anju aat sira sei hetan kastigu.
Maromak sei salva ema neʼebé rona ba nia. Sira sei moris iha mundu neʼebé la iha tan buat aat. Iha tempu neʼebá, la iha buat ida mak sei halo ema taʼuk no ema hotu sei fiar malu no hadomi malu.
Karik Ita sei gosta
LIVRU & BROXURA SIRA
Saida mak Maromak nia Reinu?
Bainhira Jesus iha mundu, nia hatudu buat neʼebé Maromak nia Ukun sei halo.
LIVRU & BROXURA SIRA
Terus hotu sei lakon ka lae?
Bíblia hatete katak Maromak hanoin ema no odi hahalok la justisa. Hatene ida-neʼe lori benefísiu saida mai ita?
