PARTE 3
Moris iha jardín Eden hanesan saida?
Maromak Jeová fó buat diʼak barak ba Adão no Eva. Génesis 1:28
Maromak Jeová kria feto primeiru, naran Eva, no fó ba Adão nuʼudar feen.—Génesis 2:21, 22.
Maromak Jeová kria sira ho isin no neon perfeitu, katak la iha sala.
Sira-nia hela-fatin mak iha jardín Eden. Fatin paraízu neʼe iha ai-fuan barak, animál oioin, no mota neʼebé kapás.
Maromak Jeová koʼalia ba sira no hanorin sira. Se sira rona ba nia, sira bele moris ba nafatin iha rai neʼebé furak.
Maromak hatete labele han ai-fuan husi ai-hun ida. Génesis 2:16, 17
Maromak Jeová hatudu ai-hun ida ba Adão no Eva, no hatete katak se sira han ai-fuan husi ai-hun neʼe, sira sei mate.
Anju ida komesa kontra hasoru Maromak. Anju aat neʼe naran Diabu Satanás.
Satanás lakohi Adão no Eva halo tuir Maromak Jeová. Tan neʼe, liuhusi samea ida, Satanás hatete ba Eva se nia han ai-fuan neʼebé Maromak bandu, nia sei la mate, maibé nia sei sai hanesan Maromak. Tuir loloos, Satanás bosok.—Génesis 3:1-5.
Karik Ita sei gosta
HANORIN IMPORTANTE SIRA HUSI BÍBLIA
Tanbasá mak Maromak kria mundu?
Ita-nia mundu nakonu ho buat furak oioin. Maromak tau mundu ho distánsia neʼebé loos husi loro-matan, no mundu dulas ho loloos. Tansá mak Maromak kria mundu furak hanesan neʼe?
