Loron ida, irmán ida iha Novazelándia nonton hela vídeo “Hanoin malu” neʼebé koʼalia kona-ba Jeová laʼós deʼit hanoin ema maibé nia mós halo buat ruma. (Isa 63:​7-9) Irmán neʼe deside atu halo tuir buat neʼebé nia aprende hodi buka oportunidade atu ajuda ema seluk. Loron tuirmai, bainhira irmán neʼe bá kompras, nia hasoru feto ida neʼebé la iha hela-fatin no irmán neʼe oferese atu sosa buat ruma ba nia atu han. Feto neʼe hakarak. Bainhira irmán neʼe fila fali no lori hahán, nia uza oportunidade neʼe atu koʼalia ba feto neʼe kona-ba Jeová no hatudu panfletu kona-ba Terus hotu sei lakon ka lae?

Feto neʼe komesa tanis. Nia dehan katak nia sai boot nuʼudar Testemuña ida, maibé nia husik lia-loos tinan barak liubá. Foin antes neʼe, nia halo orasaun ba Jeová atu ajuda nia fila fali. Irmán neʼe fó Bíblia ida ba feto neʼe, no halo arranju atu estuda Bíblia. a

Ita bele banati-tuir Jeová hodi hatudu laran-sadiʼa ba ema seluk, inklui ita-nia família no irmaun-irmán sira. Ita mós bele hatudu laran-sadiʼa hodi buka oportunidade atu haklaken ba ema seluk.