Ita bele ka lae hatán ba pergunta sira tuirmai neʼebé bazeia ba Livru Haklaken 2023:

“Hafoun imi-nia hanoin” envolve saida deʼit? (Rom 12:2)

La toʼo atu hatudu deʼit hahalok diʼak balu. Ita tenke ezamina ita-nia laran no halo mudansa hodi halo tuir Maromak nia matadalan sira ho didiʼak.—w23.01, p. 8-9.

Oinsá atu iha balansu bainhira ita haree akontesimentu sira?

Ita hakarak buka-hatene oinsá akontesimentu iha mundu kumpre profesia. Ita labele siʼik deʼit saida mak sei akontese tanba bele halakon unidade. Ita-nia diskusaun ho irmaun-irmán sira presiza bazeia ba publikasaun sira. (1 Kor 1:10)—w23.02, p. 16.

Oinsá Jesus no ninia dixípulu sira-nia batizmu la hanesan?

Jesus moris mai iha nasaun neʼebé dedika ona ba Maromak, tan neʼe nia la presiza dedika an ba Maromak. Jesus mak perfeitu no la iha sala. Nia la presiza arrepende ninia sala.—w23.03, p. 5.

Oinsá atu ajuda ema seluk atu fó komentáriu?

Fó komentáriu badak atu ema seluk mós bele fó komentáriu. Keta koʼalia kona-ba pontu barak liu, atu nuneʼe sei iha pontu seluk neʼebé ema bele fó sai.—w23.04, p. 23.

“Dalan santu” neʼebé temi iha Isaias 35:8 refere ba saida?

Iha tempu uluk, dalan simbóliku neʼe refere ba ema Judeu nia dalan husi Babilónia hodi fila fali ba sira-nia rai. Oinsá ho tempu modernu? Durante tinan atus ba atus antes tinan 1919, Jeová uza mane sira atu prepara dalan neʼe liuhusi tradús no print Bíblia no mós halo buat seluk tan. Maromak nia povu laʼo iha “dalan santu” ba paraízu espirituál neʼebé dirije sira atu simu bensaun husi Maromak nia Ukun.—w23.05, p. 15-19.

Feto simbóliku naʼin-rua neʼebé temi iha Provérbios kapítulu 9 reprezenta saida?

Provérbios koʼalia kona-ba “feto neʼebé beik” no ninia konvite lori ba “rate”, no mós feto neʼebé reprezenta “matenek neʼebé loos” no ninia konvite ajuda ema “laʼo ba oin ho kbiit atu komprende” no lori ba moris. (Prov 9:​1, 6, 13, 18)—w23.06, p. 22-24.

Oinsá mak Maromak hatudu haraik an no la ulun-toos kuandu tau matan ba Lot?

Jeová haruka Lot atu halai husi Sodoma ba área foho nian. Bainhira Lot husu atu halai ba Zoar, Jeová fó lisensa ba Lot.—w23.07, p. 21.

Saida mak feen ida bele halo se ninia pár haree pornografia?

Nia presiza hanoin-hetan katak nia la halo sala. Nia presiza fokus ba ninia relasaun ho Maromak no medita kona-ba feto iha Bíblia neʼebé hetan kmaan husi Maromak. Nia bele ajuda ninia pár hasees an husi situasaun neʼebé bele tenta ninia pár.—w23.08, p. 14-17.

Se ema husu kona-ba ita-nia fiar, oinsá kbiit atu komprende didiʼak bele ajuda ita?

Ita bele haree ninia pergunta nuʼudar oportunidade atu bele hatene buat neʼebé importante ba nia. Neʼe sei ajuda ita atu hatán ho laran-maus.—w23.09, p. 17.

Saida mak ita bele aprende husi Maria kona-ba hetan kbiit?

Bainhira Maria hatene katak nia sei sai inan ba Mesias, Maria hetan kbiit neʼebé nia presiza. Isabel no anju Gabriel hametin Maria iha dalan espirituál. Ita mós bele hetan kbiit husi maluk fiar-naʼin.—w23.10, p. 15.

Oinsá Jeová hatán ita-nia orasaun?

Nia promete atu rona ba ita-nia orasaun no hanoin oinsá neʼe liga ho ninia hakarak. (Jer 29:12) Dala ruma nia hatán orasaun neʼebé atu hanesan iha dalan neʼebé diferente, maibé nia sempre apoia ita.—w23.11, p. 21-22.

Roma 5:2 temi “esperansa”, entaun tanbasá versíkulu 4 koʼalia tan kona-ba neʼe?

Bainhira rona tiha liafuan diʼak, ema ida bele hetan esperansa atu moris ba nafatin iha mundu paraízu ho kontente. Maibé nuʼudar nia tahan hasoru susar no sente katak Maromak kontente ho nia, ninia esperansa sei sai metin liu no nia sei hafolin liután ida-neʼe.—w23.12, p. 12-13.