Husik hahalok atu tahan treinu ita ho didiʼak
“Se imi-nia hahalok atu tahan treinu imi ho didiʼak, imi bele sai kompletu no sai diʼak iha buat hotu, hodi la kuran buat ida.”—TIAGO 1:4.
KNANANUK: 24, 139
1, 2. (a) Saida mak ita bele aprende husi Jideaun ho ninia soldadu naʼin-300 kona-ba hahalok atu tahan? (Haree dezeñu iha leten.) (b) Tuir Lucas 21:19, tanbasá mak importante atu tahan?
JUÍZ JIDEAUN ho ninia soldadu duni tuir sira-nia inimigu, ema Midian ho sira neʼebé apoia ema Midian, ba kalan tomak. Ita bele imajina katak sira kole tebes tanba sira duni inimigu sira toʼo kilómetru 32 hanesan neʼe. Bíblia dehan: “Jideaun toʼo ba Jordaun no hakur ida-neʼe. . . . Nia no mane naʼin-300 hamutuk ho nia sai kole.” Maibé, Jideaun sira seidauk manán tanba sei iha tan inimigu maizumenus 15.000. Ema Midian fó terus ema Izraél ba tinan barak ona, tan neʼe Jideaun ho ninia soldadu sira kontinua duni sira toʼo halakon hotu inimigu sira-neʼe. Sira hatene katak sira tenke toman inimigu sira-neʼe no la bele rende an!—Juízes (Hakim-Hakim) 7:22; 8:4, 10, 28.
2 Ohin loron, ita mós luta hela iha funu neʼebé todan no kole tebes. Ita-nia inimigu sira mak Satanás, ninia mundu, no ita rasik. Ita balu luta ba tinan barak ona hasoru inimigu sira-neʼe, no ho Jeová nia ajuda ita manán duni sira. Maibé ita seidauk manán funu neʼe. Dala ruma ita bele sai kole atu funu hasoru inimigu sira-neʼe, ka ita bele sente kole atu hein ba mundu aat neʼe nia rohan atu toʼo mai. Tan neʼe Jesus fó avizu nanis ba ita neʼebé moris Lucas 21:19.) Entaun, tahan katak sá? Saida mak bele ajuda ita atu tahan? Saida mak ita bele aprende husi ema sira neʼebé tahan ona? No oinsá mak ita bele husik “hahalok atu tahan treinu” ita ho didiʼak?—Tiago 1:4.
iha loron ikus sira katak ita sei hasoru susar makaʼas no ema mós sei fó terus boot ba ita. Maibé Jesus hatete katak se ita mak tahan, ita sei manán. (LeeTAHAN KATAK SÁ?
3. Tahan katak sá?
3 Iha Bíblia, liafuan tahan laʼós katak ita aguenta deʼit bainhira hasoru susar ka terus ruma. Maibé tahan inklui mós dalan neʼebé ita sente ka hanoin kona-ba susar no terus neʼe. Hahalok tahan bele ajuda ema atu iha brani, laran-metin, no pasiénsia. Livru ida esplika katak tahan mak hahalok neʼebé ajuda ita atu iha esperansa no la rende an bainhira hasoru hela susar ruma. Hahalok neʼe ajuda ita atu hamriik metin maski susar neʼebé ita hasoru todan tebes. Hahalok tahan ajuda ita atu manán fali susar neʼebé ita hasoru no neʼe halo ita fokus fali ba ita-nia planu duké hanoin kona-ba ita-nia terus.
4. Tanbasá ita bele hatete katak domin mak book ita atu tahan?
4 Domin mak book ita atu tahan. (Lee 1 Korinto 13:4, 7.) Oinsá? Domin ba Jeová mak book ita atu tahan hasoru buat naran deʼit neʼebé Jeová husik ita atu hasoru. (Lucas 22:41, 42) Domin book ita atu tahan hasoru irmaun-irmán sira-nia fraku. (1 Pedro 4:8) Domin ba ita-nia kaben mak ajuda ita atu tahan hasoru “susar” neʼebé kaben-naʼin sira hasoru no ajuda hametin moris kaben nian.—1 Korinto 7:28.
SAIDA MAK BELE AJUDA ITA ATU TAHAN?
5. Tanbasá mak Jeová hatene liu ajuda ita atu tahan?
5 Husu Jeová nia kbiit. Jeová mak Maromak neʼebé “fó kmaan mai ita no hametin ita atu tahan”. (Roma 15:5) Nia mesak deʼit mak komprende liu hotu kona-ba ita-nia problema, situasaun, sentimentu, no moris. Tan neʼe mak nia hatene saida mak bele ajuda ita atu tahan. Bíblia dehan: “Ema neʼebé taʼuk nia, nia sei kumpre sira-nia hakarak, no nia sei rona ba sira-nia halerik atu husu ajuda, no nia sei salva sira.” (Salmo [Mazmur] 145:19) Maibé, oinsá mak Maromak hatán ba ita-nia orasaun hodi fó kbiit ba ita atu tahan?
6. Tuir Bíblia, oinsá mak Jeová ‘hatudu dalan ba ita atu sai’ husi susar?
6 Lee 1 Korinto 10:13. Kuandu ita husu Jeová atu ajuda ita tahan hasoru susar ruma, nia sei ‘hatudu dalan ba ita atu sai’. Dala ruma nia bele hasai tiha problema neʼe husi ita. Maibé dala barak liu nia hatudu deʼit dalan ba ita ‘atu nuneʼe ita bele tahan’. Jeová fó duni kbiit ba ita hodi ita “bele tahan buat hotu ho pasiénsia no ksolok”. (Koloso 1:11) No tanba Jeová mós hatene katak ita iha limitadu, tan neʼe nia nunka sei husik situasaun ida sai grave toʼo ita husik ita-nia laran-metin ba nia.
7. Fó toʼok ezemplu ida tanbasá mak ita presiza ai-han espirituál hodi bele tahan.
7 Hametin ita-nia fiar liuhusi ai-han espirituál nian. Tanbasá mak ai-han espirituál importante ba ita? Hanoin kona-ba ema neʼebé planu atu saʼe foho Evereste. Foho neʼe mak foho neʼebé aas liu hotu iha mundu tomak. Atu iha forsa hodi tahan no kumpre ninia planu, loron ida ema neʼe tenke han hahán ba loron tolu ka haat nian. Hanesan neʼe mós ho ita, se ita hakarak atu tahan no kumpre ita-nia planu sira, ita tenke han beibeik ai-han espirituál barak. Ita tenke uza tempu atu lee, estuda, no tuir reuniaun sira beibeik. Atividade sira hanesan neʼe bele ajuda ita atu hametin liután ita-nia fiar.—João 6:27.
8, 9. (a) Tuir Jó 2:4, 5, ita-nia susar no terus iha ligasaun ho saida? (b) Bainhira ita hasoru hela problema, diʼak atu imajina kona-ba saida?
Jó [Ayub] 2:4, 5) Tuir Satanás, nia dehan katak laiha ema ida mak adora Jeová ho domin. Satanás troka ona ninia hanoin neʼe ka lae? Lae duni. Tinan atus ba atus liutiha, bainhira nia sai tiha husi lalehan, nia sei koʼalia hanesan neʼe nafatin kona-ba Jeová nia atan sira. (Apokalipse 12:10) Ohin loron Satanás mós sei koʼalia katak ema adora Jeová laʼós tanba domin, maibé ho razaun deʼit. Nia hakarak tebes atu haree ita kontra Jeová nia direitu atu ukun no para atu la adora Jeová.
8 Hanoin kona-ba Jeová nia direitu atu ukun. Bainhira ita hasoru susar no terus ruma, neʼe mós koko ita-nia laran-metin ba Jeová. Dalan neʼebé ita hasoru problema sira-neʼe hatudu sai ita-nia sentimentu kona-ba Jeová nia direitu atu ukun. Tanbasá mak ita koʼalia hanesan neʼe? Tanba Satanás, ida-neʼebé kontra Jeová nia direitu atu ukun hatete katak: “Se ema ida besik ona atu mate, nia sei fó buat hotu neʼebé nia iha atu salva nia moris. Maibé ba dala ida-neʼe, lolo Ita-nia liman no kona toʼok ninia ruin no isin. Nia sei hatete aat duni Ita iha Ita-nia oin.” (9 Bainhira ita hasoru hela susar no terus ruma, koko atu imajina situasaun neʼe. Iha sorin ida, Satanás ho ninia anju aat sira. Sira hakilar no sadik ita katak ita sei la tahan terus sira-neʼe no ita sei rende an deʼit. Maibé iha sorin seluk, Jeová, ita-nia Liurai Jesus Kristu, ema kose-mina sira neʼebé hetan ona moris-hiʼas, no anju rihun ba rihun. Sira fó laran-manas tebes ba ita. Sira kontente tebes atu haree katak ita bele tahan no laran-metin nafatin ba Jeová. Tuirmai ita rona Jeová hatete ba ita: “Haʼu-nia oan, sai matenek bá no halo haʼu-nia laran-kontente, atu nuneʼe haʼu bele hatán ba ida neʼebé koʼalia aat haʼu.”—Provérbios (Amsal) 27:11.
10. Oinsá mak ita bele banati-tuir Jesus nia ezemplu kona-ba tahan?
10 Hanoin kona-ba rezultadu husi tahan. Imajina toʼok se ita mak halo viajen ida, no ita presiza liu husi estrada ida husi rai-okos. Tama tiha ba dalan neʼe, ita haree nakukun tebes. Maibé ita fiar katak se ita mak kontinua laʼo ba oin, ita sei haree fali naroman iha oin. Moris mak hanesan viajen neʼe. Dala ruma ita bele hasoru problema neʼebé susar tebes ba ita atu tahan. Jesus mós sente ona hanesan neʼe. Bainhira ema kastigu nia iha ai-riin terus leten, ema hamoe no haterus nia. Karik ba Jesus neʼe mak tempu neʼebé nakukun tebes iha ninia moris. Maibé Jesus tahan buat sira-neʼe hotu. Saida mak ajuda nia tahan? Bíblia hatete katak “tanba ksolok neʼebé tau ona iha nia oin”. (Ebreu 12:2, 3) Jesus haree liu ba rezultadu husi ninia laran-metin ba Jeová, tanba liuhusi ninia tahan, nia bele halo santu Maromak nia naran no apoia Jeová nia direitu atu ukun. Jesus hatene katak terus neʼebé nia hasoru temporáriu deʼit, maibé kolen neʼebé nia sei simu iha lalehan sei hela ba nafatin. Ohin loron ita bele hasoru susar no terus neʼebé todan, maibé hanoin-hetan katak buat sira-neʼe ba temporáriu deʼit.
“SIRA NEʼEBÉ TAHAN TERUS”
11. Tanbasá mak diʼak atu hanoin kona-ba “sira neʼebé tahan terus”?
11 Ita la tahan mesak deʼit. Bainhira apóstolu Pedro hakerek karta hodi fó anima ba maluk fiar-naʼin sira neʼebé hasoru susar no terus husi Satanás, nia dehan: “Hamriik metin hodi kontra nia no sai metin iha fiar, hodi hatene katak imi-nia maluk fiar-naʼin iha mundu tomak mós tahan terus neʼebé hanesan imi-nian.” (1 Pedro 5:9) Ezemplu husi “sira neʼebé tahan terus” bele duni ajuda ita atu hamriik metin no sira-nia ezemplu hatudu mai ita katak ita mós bele manán no ita-nia laran-metin laʼós saugati deʼit. (Tiago ) Agora mai ita koʼalia kona-ba ezemplu balu. 5:11 [1]—Haree nota husi lisaun.
12. Saida mak ita bele aprende husi kerubín sira-nia ezemplu neʼebé sira simu iha Eden?
12 Anju kerubín. Sira mak anju neʼebé ho pozisaun aas. Bainhira Adão ho Eva halo sala, Jeová fó knaar ba kerubín balu atu halo iha rai. Bíblia hatete katak Maromak Jeová “tau kerubín sira iha parte leste husi jardín iha Eden no tau mós surik kroʼat neʼebé lakan no nakdulas hela atu proteje dalan ba ai-hun moris nian”. [2] (Haree nota husi lisaun.) (Gênesis [Kejadian] 3:24) Knaar neʼebé kerubín sira-neʼe halo la hanesan duni ho knaar neʼebé sira halo iha lalehan. Maski nuneʼe, ita nunka lee husi Bíblia katak kerubín sira-neʼe muramura ka sente katak knaar sira-neʼe hatún sira-nia dignidade. Sira nunka sente baruk ka soe hela sira-nia knaar neʼe. Sira halo knaar sira-neʼe ho laran-metin toʼo tinan 1.600 liu neʼebé karik remata iha rai-nabeen iha Noé nia tempu. Sira-nia ezemplu neʼe diʼak tebes ba ita ema atu halo tuir kuandu ita simu knaar susar ida atu halo.
13. Oinsá mak Job bele tahan ninia susar no terus sira?
13 Job neʼebé laran-metin. Se kolega ka ema husi família ida mak koʼalia liafuan neʼebé halo ita laran-tun, ka karik ita hasoru hela terus husi moras neʼebé todan, ka karik ita triste hela tanba ema ida foin mate, hanoin kona-ba Job nia ezemplu bele halibur ka fó kmaan fali ita. (Jó [Ayub] 1:18, 19; 2:7, 9; 19:1-3) Job la hatene tanba razaun saida mak derrepente deʼit nia hasoru susar no terus barak tebes iha ninia moris, maibé nia nunka lakon esperansa. Saida mak ajuda nia hodi tahan? Razaun importante liu mak tanba nia hadomi no hamtaʼuk Jeová. (Jó [Ayub] 1:1) Job nia hakarak mak, iha situasaun diʼak ka aat, nia hakarak deʼit atu halo buat neʼebé Jeová gosta. Jeová mós ajuda Job. Nia ajuda Job hodi haree kona-ba ninia forsa liuhusi buat furak sira neʼebé nia kria. No ida-neʼe halo Job fiar liután katak Jeová sei hapara ninia susar no terus neʼebé nia hasoru daudauk iha tempu neʼebé loos. (Jó [Ayub] 42:1, 2) No ikusmai ida-neʼe mak akontese duni. “Jeová halakon Job nia terus no fó fali rikusoin ba nia. Jeová fó ba nia dala rua barak liu fali buat neʼebé uluk nia iha.” No Job iha moris neʼebé naruk no haksolok.—Jó (Ayub) 42:10, 17.
14. Tuir 2 Korinto 1:6, oinsá mak apóstolu Paulo nia ezemplu atu tahan ajuda ema seluk?
14 Apóstolu Paulo. Ema fó daudaun terus ka kontra makaʼas ita ka lae? Ka ita mak katuas kongregasaun ka katuas área nian neʼebé sente katak ita leba hela responsabilidade 2 Korinto 11:23-29) Maski nuneʼe, apóstolu Paulo nunka rende an, no ninia ezemplu neʼe fó duni laran-manas ba ema seluk. (Lee 2 Korinto 1:6.) Tan neʼe mak diʼak atu hanoin-hetan katak bainhira ita tahan hasoru susar no terus ruma, ita-nia ezemplu mós bele fó laran-manas ba ema seluk.
neʼebé todan tebes ba ita? Se ita-nia situasaun mak hanesan neʼe, diʼak atu hanoin kona-ba apóstolu Paulo nia ezemplu. Ema fó terus makaʼas tebes ba nia, no nia mós sempre hanoin kona-ba kongregasaun sira. (HUSIK HAHALOK ATU TAHAN TREINU ITA HO DIDIʼAK
15, 16. (a) Oinsá mak hahalok atu tahan bele fó treinu ita? (b) Fó toʼok ezemplu balu oinsá mak hahalok atu tahan bele fó treinu ita.
15 Espíritu santu leno Tiago hakerek katak: “Se imi-nia hahalok atu tahan treinu imi ho didiʼak, imi bele sai kompletu no sai diʼak iha buat hotu, hodi la kuran buat ida.” (Tiago 1:4) Oinsá mak hahalok atu tahan bele fó treinu ita? Susar no terus neʼebé ita hasoru bele hatudu sai ita-nia fraku no hahalok neʼebé ita presiza atu hadiʼa. Bainhira ita tahan hasoru susar no terus sira-neʼe, ita mós aprende oinsá atu hadiʼa ita-nia hahalok sira, no neʼe bele halo ita sai pasiénsia, hatudu agradese, no iha domin liután.
Bainhira ita tahan hasoru susar no terus, ita mós hadiʼa ita-nia hahalok sira (Haree parágrafu 15, 16)
16 Hahalok atu tahan bele treinu ita sai ema kristaun neʼebé diʼak. Tan neʼe mak bainhira ita hasoru susar no terus ruma, ita lakohi rende an ka halo buat neʼebé kontra Jeová nia ukun-fuan hodi hapara susar no terus sira-neʼe. Porezemplu, se ita mak luta hela hasoru hanoin neʼebé foʼer, halo orasaun ba Jeová atu husu ajuda hodi ita la bele monu ba tentasaun. Se ema ida husi ita-nia família mak kontra ita, keta halo tuir deʼit sira. Kaer metin nafatin ba Jeová hodi adora nia. Halo buat sira-neʼe bele hametin ita-nia fiar ba Jeová. Tenke hanoin-hetan katak: Atu Jeová simu ita, ita tenke tahan.—Roma 5:3-5; Tiago 1:12.
17, 18. (a) Fó toʼok ezemplu tanbasá mak importante atu tahan toʼo rohan. (b) Mundu nia rohan besik ona atu mai, maibé ita bele fiar kona-ba saida?
17 Ita tenke duni atu tahan, laʼós ba tempu uitoan deʼit, maibé toʼo rohan. Tanbasá mak importante? Hanoin toʼok kona-ba ró neʼebé baku-fila. Atu bele salva moris, pasajeiru sira tenke nani toʼo rai-maran. Se ema ida mak nani besik toʼo ona maibé rende an deʼit, ninia rezultadu mak hanesan deʼit ho ema neʼebé foin nani sai husi ró maibé rende an ona, sira hotu sei mout, loos ka lae? Hanesan neʼe mós ho ita, se ita hakarak atu moris iha mundu foun, ita tenke tahan. Ita hakarak iha hahalok hanesan apóstolu Paulo nian neʼebé dehan: “Ami la rende an.”—2 Korinto 4:1, 16.
18 Ita bele fiar ho laran tomak katak Jeová sei ajuda ita atu tahan toʼo rohan. Apóstolu Paulo hatete: “Iha buat sira-neʼe hotu, ami sei manán liuhusi nia neʼebé hadomi ami. Tanba haʼu fiar duni katak mate ka moris ka anju ka governu sira ka buat neʼebé iha agora ka buat neʼebé atu mai ka kbiit ka aas ka kleʼan ka kriasaun sira seluk sei la bele haketak ita husi Maromak nia domin neʼebé liuhusi ita Naʼi Kristu Jesus.” (Roma 8:37-39) Dala ruma ita bele sente kole atu tahan. Maibé ita hakarak halo tuir Jideaun ho ninia ema sira-nia ezemplu. Sira mós sente kole, maibé sira nunka rende an, “sira kontinua duni tuir sira-nia inimigu”!—Juízes (Hakim-Hakim) 8:4.
^ [1] (parágrafu 11) Ezemplu husi Maromak nia povu husi tempu modernu mós bele fó laran-manas ba ita. Porezemplu, husi Buku Tahunan 1992, 1999, no 2008, ita bele lee kona-ba ezemplu husi irmaun-irmán sira iha rai-Etiópia, Malavi, no Rúsia neʼebé anima tebes ita hotu.
^ [2] (parágrafu 12) Bíblia la fó-hatene iha kerubín naʼin-hira mak simu knaar neʼe.