Ema balu sente la sala atu halo kopia ka tau ita-nia publikasaun iha sítiu internét ka média sosiál tanba ita-nia publikasaun sira ema bele hetan gratuitu deʼit. Maibé halo hanesan neʼe kontra “Matadalan oinsá atu uza” ita-nia sítiu no neʼe hamosu ona problema barak neʼebé sériu. * Iha parte “Matadalan oinsá atu uza”, esplika ho momoos katak, la iha ema ida mak bele “fahe fali konteúdu iha sítiu ida-neʼe hodi habelar iha internét (inklui tau konteúdu iha sítiu seluk, sítiu atu fahe file sira, ka iha social network)”. Konteúdu inklui dezeñu no foto sira, vídeo, múzika, livru no artigu sira. Tanbasá presiza lei makaʼas hanesan neʼe?

Buat hotu husi ita-nia sítiu hetan kopirraite. Neʼe katak só Watch Tower Bible and Tract Society of Pennsylvania mak iha direitu legál atu uza konteúdu husi ita-nia sítiu sira. Ema soe-fiar no sira neʼebé kontra lia-loos uza sira rasik nia sítiu atu lasu Testemuña ba Jeová no ema seluk tan. Sira-nia objetivu mak atu kuda fini duvida nian iha lee-naʼin sira-nia neon. (Salmo [Mazmur] 26:4; Provérbios [Amsal] 22:5) Ema seluk tan uza ita-nia publikasaun ka logo jw.org hodi promove sasán atu faʼan no aplikasaun eletróniku sira. Ita iha direitu legál atu hapara ema la bele uza arbiru ita-nia publikasaun sira liuhusi kopirraite no marka rejistu. (Provérbios [Amsal] 27:12) Tan neʼe, se ita haree no husik deʼit ema seluk, inklui mós ita-nia irmaun-irmán sira atu foti buat ruma husi ita-nia sítiu hodi uza fali ba sira-nia sítiu ka uza logo jw.org atu faʼan sira-nia sasán ruma, tribunál bele  la apoia tan ita atu proteje ita husi ema sira neʼebé kontra ita no husi empreza komérsiu seluk.

Se ita la download ita-nia publikasaun husi ita-nia sítiu maibé uza fali sítiu seluk, neʼe perigu tebes. Jeová fó fiar deʼit ba “atan laran-metin no matenek” atu fahe ai-han espirituál nian. (Mateus 24:45) “Atan” neʼe uza deʼit ita-nia sítiu ofisiál www.pr418.com, tv.pr418.com, no wol.pr418.com mak hodi fahe ai-han espirituál neʼe. No aplikasaun eletróniku ofisiál neʼebé ita uza mós tolu deʼit, neʼe mak JW Language^®, JW Library^®, no JW Library Sign Language^®. Ita bele fiar ho laran tomak katak ita-nia aplikasaun eletróniku ho sítiu sira laʼós atu promove sasán ruma no la iha ligasaun ho Satanás nia mundu neʼe. Se ita mak uza sítiu ka aplikasaun neʼebé la mai husi Jeová nia organizasaun atu hetan ai-han espirituál, karik ai-han sira-neʼe ema troka ona.​—Salmo (Mazmur) 18:26; 19:8.

No mós, se ita tau ita-nia publikasaun iha sítiu sira neʼebé ema seluk bele hatama sira-nia komentáriu, neʼe sei loke dalan ba ema soe-fiar no sira neʼebé kritika ita atu kuda fini duvida nian hodi halakon ita-nia fiar ba Jeová nia organizasaun. Irmaun-irmán balu monu ona ba lasu neʼe hodi halo debate liuhusi internét, tan neʼe hafoʼer liután Jeová nia naran. Sítiu sira neʼebé ema bele fó sai sira-nia hanoin laʼós fatin neʼebé diʼak atu “hanorin ho laran-maus ba sira neʼebé kontra”. (2 Timóteo 2:23-25; 1 Timóteo 6:3-5) Iha mós ema neʼebé kria ona média sosiál no sítiu falsu neʼebé uza ita-nia organizasaun, Grupu Administradór, no membru Grupu Administradór sira-nia naran. Maibé la iha membru ida husi Grupu Administradór mak uza sítiu privadu ka média sosiál ba sira-nia an.

Lori ema ba ita-nia sítiu jw.org bele habelar “liafuan diʼak”. (Mateus 24:14) Publikasaun eletróniku neʼebé ita simu hodi halaʼo ita-nia serbisu haklaken sempre hetan mudansa neʼebé diʼak. Ita hakarak ema hotu atu uza didiʼak buat sira-neʼe. Tan neʼe mak iha “Matadalan oinsá atu uza” hatete katak, Ita bele haruka publikasaun ruma ba ema seluk liuhusi e-mail ka haruka link kona-ba publikasaun ruma neʼebé hetan husi jw.org. Hatudu ita-nia sítiu ofisiál ba ema neʼebé hatudu interese mak dalan atu lori sira ba grupu ida deʼit neʼebé fó ai-han espirituál, neʼe mak “atan laran-metin no matenek”.