Karik ita barak sente susar atu hanoin-hetan buat neʼebé ita aprende ona. Maibé fasil ba ita atu hanoin-hetan Jesus nia hanorin tanba nia sempre uza ai-knanoik sira. Ita bele imajina kona-ba buat neʼebé Jesus hatete, no neʼe ajuda ita atu hanoin-hetan buat neʼebé nia hanorin. Nuneʼe mós, ita bele hanoin-hetan buat neʼebé ita estuda bainhira ita imajina kona-ba buat neʼebé ita lee. Oinsá ita bele halo nuneʼe? Neʼe mak hodi halo dezeñu.

Ema neʼebé halo dezeñu kona-ba buat foun neʼebé nia aprende, dala barak fasil liu ba sira atu hanoin-hetan. Dezeñu ajuda sira laʼós deʼit atu hanoin-hetan fraze, maibé mós komprende didiʼak pontu importante husi buat neʼebé sira aprende. Sira-nia dezeñu laʼós komplikadu, maibé simples. No evidénsia hatudu katak ema neʼebé idade mak hetan liu benefísiu husi sujestaun neʼe.

Bainhira Ita estuda, koko toʼok halo dezeñu husi buat neʼebé Ita aprende ona. Karik Ita sei hakfodak tanba bele hanoin-hetan buat barak!