Ita gosta lee Livru Haklaken husi fulan balu liubá ka lae? Se nuneʼe, haree toʼok se Ita bele hatán pergunta sira tuirmai neʼe:

Saida mak akontese ba ema dadur Ejitu naʼin-rua neʼebé konta sira-nia mehi ba José?

José dehan ba xefe neʼebé tau matan ba Liurai nia hemu katak Liurai sei foti nia atu serbisu fali. Maibé ba xefe padeiru nian, Liurai sei oho nia no tara nia iha ai-riin. Buat neʼebé José koʼalia sai loos duni.—w15 1/4, pájina 12-14.

Saida deʼit mak inan-aman bele halo atu treinu sira-nia oan joven hodi serbí Jeová?

Inan-aman presiza hadomi sira-nia oan joven, no hatudu haraik-an liuhusi sira-nia ezemplu. Importante mós ba inan-aman atu hatudu matenek hodi komprende sira-nia oan.—w15 15/11, pájina 9-11.

Diʼak atu hanoin kona-ba saida antes atu koʼalia?

Atu uza ita-nia nanál iha dalan neʼebé diʼak, ita presiza hanoin kona-ba (1) tempu atu koʼalia (Eclesiastes [Pengkhotbah] 3:7), (2) liafuan saida mak ita atu koʼalia (Provérbios [Amsal] 12:18), no (3) dalan atu koʼalia (Provérbios [Amsal] 25:15).—w15 15/12, pájina 19-22.

Tanbasá mak Jeová aprova ema Izraél antigu halo funu?

Jeová mak Maromak domin nian. Maibé dala ruma nia fó lisensa ba ema Izraél atu halo funu tanba ema aat hanehan ka ameasa ninia povu. Maromak deʼit mak bele deside sé no bainhira mak bele halo funu.—wp16.1, pájina 4-5.

Tanbasá mak ita la bele dehan katak amu-papa troka Pedro nia fatin?

Mateus 16:17, 18 la dehan katak apóstolu Pedro sei sai ulun ba kongregasaun kristaun. Tuir loloos, Bíblia hatudu katak Jesus mak fatuk-inan ba kongregasaun. (1 Pedro 2:4-8)—wp16.1, pájina 10-12.

Ita tenke hatudu hahalok saida ba ema neʼebé han paun no hemu tua-uvas iha Memoriál?

Ema kristaun sira la foti aas ema ida, no ema neʼebé kose-mina mós la hein ema atu halo ida-neʼe. Sira la foti-an kona-ba sira-nia relasaun espesiál ho Maromak. (Mateus 23:8-12)—w16.01, pájina 23-24.

Saida mak ita bele aprende kona-ba oinsá Abraão sai Maromak nia belun?

Abraão hetan koñesimentu kona-ba Maromak, karik liuhusi Sem. No Abraão mós hetan esperiénsia tanba durante nia moris nia haree hahalok sira neʼebé Jeová hatudu ba nia no ninia família. Ita mós bele koko atu halo hanesan Abraão.—w16.02, pájina 9-10.

Kapítulu no versíkulu sira sé mak tau iha Bíblia?

Bispu ida naran Stephen Langton, mak tau kapítulu sira iha Bíblia maizumenus iha tinan 1200. Ema judeu neʼebé serbisu halo kópia ba Bíblia, sira tau númeru ba versíkulu sira iha Testamentu Tuan no depois neʼe, Robert Estienne mós halo hanesan ba Eskritura Lia-Gregu.—wp16.2, pájina 14-15.

Satanás lori duni Jesus ba templu atu tenta Jesus ka lae?

Ita la bele hatene. Mateus 4:5 no Lucas 4:9 bele iha signifika rua, karik neʼe mak liuhusi vizaun deʼit ka karik Jesus hamriik duni iha fatin aas iha templu.—w16.03, pájina 31-32.

Iha dalan saida mak haklaken bele kompara ho mahon-been?

Bee nia iis halibur turuk ida-idak mak foin sai mahon-been. Mahon-been importante ba moris no bensaun husi Maromak. (Deuteronômio [Ulangan] 33:13) Neʼe hanesan Jeová nia atan sira hotu nia hakaʼas-an tau hamutuk.—w16.04, pájina 4.