Nuʼudar ita prepara atu estuda, karik ita husu ba ita-nia an: ‘Haʼu hakarak aprende saida?’ Hanoin-hetan katak maski ita espera atu aprende pontu ruma, neʼe la dehan katak la iha pontu foun seluk neʼebé Jeová hakarak ita atu aprende. Oinsá ita bele aprende buat foun bainhira estuda?

Halo orasaun hodi husu matenek. Husu Jeová atu ajuda Ita komprende saida mak nia hakarak Ita atu aprende agora. (Tgo 1:5) Labele sadere deʼit ba buat neʼebé Ita hatene ona.—Prov 3:​5, 6.

Hafolin Maromak nia liafuan neʼebé iha kbiit. “Maromak nia liafuan moris.” (Ebr 4:12) Entaun, tempu ida-idak ita lee Bíblia, neʼe bele hanorin ita buat foun no ajuda ita iha dalan neʼebé diferente. Maibé neʼe bele akontese só deʼit kuandu ita rekoñese katak ita presiza aprende kona-ba Jeová nia hanorin sira.

Agradese ba buat hotu neʼebé Jeová uza atu hanorin ita. Jeová nia ai-han espirituál mak hanesan “festa ho hahán neʼebé gostu loos”. (Isa 25:6) Koko atu aprende mós kona-ba pontu neʼebé ita ladún gosta. Hodi halo nuneʼe, ita sei hetan benefísiu no sente kontente bainhira estuda!