Ita bele hetan perdua ba ita-nia sala tan deʼit Jesus nia raan neʼebé nia fó nuʼudar sakrifísiu. (Éf 1:7) Maibé Bíblia hatete: “Maromak . . . hatudu toleránsia hodi fó perdua ba sala sira neʼebé ema halo iha tempu uluk”, neʼe katak antes Jesus fó ninia moris nuʼudar sakrifísiu. (Rom 3:​25, nota) Oinsá mak Jeová bele perdua ema nia sala antes Jesus fó ninia moris nuʼudar sakrifísiu, no mós iha tempu hanesan Jeová nafatin hatudu justisa iha dalan neʼebé perfeitu?

Jeová promete katak “bei-oan” ida sei salva sira neʼebé hatudu fiar ba Nia no ninia promesa sira. Kuandu nia halo promesa neʼe, neʼe hanesan nia fó ona Jesus nuʼudar sakrifísiu tanba promesa neʼe sei akontese duni. (Gén 3:15; 22:18) Jeová la duvida katak iha tempu neʼebé loos ninia Oan-Mane mesak sei prontu atu fó ninia moris nuʼudar sakrifísiu. (Gal 4:4; Ebr 10:​7-10) Bainhira Jesus iha rai, Jeová fó ba nia kbiit atu fó perdua ba ema nia sala antes nia fó ninia moris nuʼudar sakrifísiu. Jesus bele perdua ema sira neʼebé hatudu fiar tanba nia hatene katak sakrifísiu neʼebé nia atu halo sei taka sira-nia sala.—Mt 9:​2-6.