Lia-loos kona-ba Maromak nia Ukun
Jesus hanorin ninia dixípulu sira atu halo orasaun: “Ami Aman iha lalehan, halo Ita-nia naran sai santu. Halo Ita-nia Ukun toʼo mai rai. Halo Ita-nia hakarak sai loos iha rai, hanesan iha lalehan.” (Mateus 6:9, 10) Saida mak Maromak nia Ukun, ka Reinu? Ukun neʼe sei halo saida? No tanbasá mak ita tenke halo orasaun kona-ba neʼe?
Jesus mak Liurai ba Maromak nia Ukun.
Lucas 1:31-33: “Ó tenke hanaran nia Jesus. Nia sei sai ema importante no ema sei bolu nia nuʼudar Maromak neʼebé Aas Liu Hotu nia Oan-Mane. No Maromak Jeová sei fó ninia aman David nia kadunan ba nia. Nia sei ukun nuʼudar Liurai ba Jacob nia umakain ba nafatin. Ninia Ukun sei la iha rohan.”
Tópiku importante liu neʼebé Jesus haklaken mak Maromak nia Ukun.
Mateus 9:35: “Jesus laʼo ba sidade no knua hotu atu hanorin iha sinagoga sira no atu haklaken liafuan diʼak kona-ba Maromak nia Ukun no kura ema moras oioin.”
Jesus fó sinál ba ninia dixípulu hodi ajuda sira atu hatene bainhira mak Maromak nia Ukun atu mai.
Mateus 24:7: “Nasaun ida sei kontra nasaun seluk no ukun ida sei kontra ukun seluk, no rai-hamlaha no rai-nakdoko sei mosu iha fatin oioin.”
Jesus nia dixípulu sira agora haklaken kona-ba Maromak nia Ukun iha mundu tomak.
Mateus 24:14: “Ema sei haklaken liafuan diʼak kona-ba Maromak nia Ukun iha mundu tomak nuʼudar sasin ba nasaun hotu, depois neʼe, mundu nia rohan sei mai.”
Karik Ita sei gosta
PERGUNTA KONA-BA BÍBLIA
Saida mak Maromak nia Ukun?
Tanbasá mak Maromak nia Ukun diʼak liu fali governu seluk hotu?
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
