HAPARA SIKLU ODI MALU
2 | Keta selu aat ho aat
Bíblia hanorin:
“Keta selu aat ho aat ba ema. . . . Se bele karik, hakaʼas an atu moris iha dame ho ema hotu. . . . Tanba hakerek nanis ona: ‘Jeová dehan: “Haʼu mak iha direitu atu selu fali; haʼu sei selu fali sira-nia hahalok aat.”’”—ROMA 12:17-19.
Neʼe katak sá:
Maski ita sai hirus bainhira ema seluk halo aat ba ita, maibé Maromak la kontente se ita selu aat ho aat. Maromak hakarak ita atu hein ho pasiénsia tanba lakleur tan nia sei hadiʼa buat hotu neʼebé la iha justisa.—Salmo 37:7, 10.
Saida mak Ita bele halo:
Bainhira ema sala-naʼin mak selu aat ba ema neʼebé halo aat, neʼe sei aumenta liután ódiu. Tan neʼe, se ema ruma halo Ita hirus ka hakanek Ita, keta selu aat fali. Koko atu kontrola Ita-nia an no buka dame. Dala ruma, diʼak liu atu husik deʼit akontesimentu neʼe no haluha tiha. (Provérbios 19:11) Klaru katak iha mós situasaun balu neʼebé diʼak liu atu fó-hatene ba ema seluk. Porezemplu, kuandu Ita sai vítima ba krime ruma, Ita bele kesar ba polísia ka autoridade sira.
Selu aat ho aat lori susar ba ita-nia an
Oinsá se Ita sente katak la iha dalan atu rezolve problema? Ka oinsá se Ita halo ona buat hotu atu rezolve problema neʼe ho dame maibé la susesu? Keta hanoin atu selu aat fali. Karik neʼe sei halo situasaun sai aat liu. Tan neʼe, duké selu aat fali, diʼak liu hapara siklu odi malu. Ita presiza tau fiar ba Maromak nia dalan atu rezolve problema. “Sadere ba nia, no nia sei ajuda ó.”—Salmo 37:3-5.
Karik Ita sei gosta
BÍBLIA TROKA EMA NIA MORIS
Haʼu luta hasoru hahalok la justisa
Rafika tama grupu ida-neʼebé halo protesta hodi luta hasoru hahalok la justisa. Ikusmai nia aprende husi Bíblia, katak só Maromak nia Ukun deʼit mak bele lori dame no justisa.
BÍBLIA TROKA EMA NIA MORIS
Bainhira mak domin ho laran-metin sei manán hasoru odi?
La fasil hatudu domin ba ema husi rasa no nasaun seluk. Haree toʼok oinsá mane Judeu ida no mane Palestinianu ida hatudu domin neʼebé laran-metin ba malu.
PERGUNTA KONA-BA BÍBLIA
Saida mak Bíblia hanorin kona-ba selu aat ho aat?
Bíblia nia matadalan sira ajuda ona ema barak atu la hanoin tan kona-ba selu aat fali.
