HAPARA SIKLU ODI MALU
1 | Keta todan ba sorin
Bíblia hanorin:
“Maromak la todan ba sorin, no iha nasaun hotu, Maromak simu ema hotu neʼebé hamtaʼuk nia no halo buat neʼebé loos.”—APÓSTOLU 10:34, 35.
Neʼe katak sá:
Maromak Jeová * la haree ba ita-nia nasaun, rasa, kór, ka kultura. Nia fokus ba ita-nia laran, inklui ita-nia hanoin no hakarak. Bíblia dehan: “Ema haree deʼit buat neʼebé iha liʼur, maibé Jeová haree ema nia laran.”—1 Samuel 16:7.
Saida mak Ita bele halo:
Maski ita labele haree ema nia laran, maibé ita bele koko atu halo tuir Maromak nia ezemplu hodi la fihir ema. Hakaʼas an atu haree ema ida-idak, laʼós nuʼudar grupu. Se Ita iha sentimentu negativu ba rasa ka nasaun ida, halo orasaun ba Maromak no husu ninia ajuda atu hasai tiha sentimentu neʼe. (Salmo 139:23, 24) Se ita husu ho laran ba Maromak Jeová hodi bele hetan forsa atu la todan ba sorin, ita bele fiar katak nia sei rona Ita-nia orasaun no ajuda Ita.—1 Pedro 3:12.
^ par. 6 Jeová mak Maromak nia naran rasik.—Salmo 83:18.
“Uluk haʼu nunka tuur ho dame hamutuk ho ema mutin . . . Agora haʼu sai parte ba família internasionál neʼebé hadomi malu.”—TITUS
Karik Ita sei gosta
LIVRU HAKLAKEN
Maromak Jeová “la fihir ema”
Maromak rona ninia atan hotu nia orasaun, maski sira-nia rasa, nasionalidade no pozisaun la hanesan. Oinsá mak ita hatene ida-neʼe?
MATAN-MORIS BÁ!
Diskriminasaun—Neʼe hadaʼet ona ba ita ka lae?
Saida mak bele hatudu katak Ita rasik iha sentimentu neʼe?
