Ema neʼebé mate iha esperansa saida?
Mate kona ema hotu. Maibé mate mak rohan ba buat hotu ka lae? Maromak haluha ona ema neʼebé mate ka lae? Iha esperansa ba ema neʼebé mate ona ka lae?
HANOIN TOʼOK SAIDA MAK BÍBLIA HATETE:
MAROMAK LA HALUHA EMA NEʼEBÉ MATE ONA
“Ema hotu neʼebé iha rate memória nian sei . . . sai husi rate.”—João 5:28, 29, nota-rodapé.
Maromak hanoin-hetan ema neʼebé mate ona; nia sei halo moris fali ema neʼebé nafatin iha ninia memória.
SEI AKONTESE MORIS-HIʼAS IHA RAI
“Maromak sei fó moris-hiʼas ba ema neʼebé hatudu hahalok loos no mós ema neʼebé hatudu hahalok la loos.”—Apóstolu 24:15.
Ema millaun ba millaun sei hetan moris-hiʼas no moris ba nafatin ho dame neʼebé barak.
ESPERANSA KONA-BA MORIS-HIʼAS MAK LOOS DUNI
“[Maromak] sura fitun sira; nia bolu sira hotu tuir ida-idak nia naran.”—Salmo 147:4.
Maromak bele bolu fitun sira ida-idak ho naran, neʼe hatudu katak fasil deʼit ba Maromak atu hanoin-hetan ema hotu neʼebé nia sei fó moris-hiʼas.
Karik Ita sei gosta
PERGUNTA KONA-BA BÍBLIA
Saida mak moris-hiʼas?
Karik ita sei hakfodak kona-ba ema sé deʼit mak sei hetan moris-hiʼas iha futuru.
