Oinsá mak mate sei lakon?
MASKI Adão no Eva lori sala no mate ba ema hotu tanba sira la halo tuir Maromak, maibé neʼe la troka Maromak nia hakarak ba ema. Liuhusi ninia Liafuan, Bíblia, Maromak temi beibeik katak ninia hakarak neʼe la troka.
-
“Ema laran-loos sira sei simu rai nuʼudar sira-nian, no sira sei moris ba nafatin iha rai.”—Salmo 37:29.
-
“Nia sei halakon mate ba nafatin, no Jeová, Naʼi Ukun-Naʼin Boot Liu, sei hamaran matan-been husi ema hotu nia oin.”—Isaias 25:8.
-
“Inimigu ikus neʼebé nia sei halakon mak mate.”—1 Korinto 15:26.
-
“Mate sei la iha tan, no ema sei la triste tan ka tanis ka sente moras.”—Apokalipse 21:4.
Oinsá mak Maromak sei “halakon mate”? Hanesan temi ona, Bíblia hatete ho klaru katak “ema laran-loos . . . sei moris ba nafatin”. Maibé Bíblia mós dehan katak “la iha ema laran-loos ida iha rai neʼebé sempre halo deʼit buat diʼak”. (Eclesiastes 7:20) Neʼe katak Maromak sei la husu ema atu halo tuir ona ninia mandamentu sira, no ema neʼebé la laran-loos bele moris ba nafatin ka lae? Nia sei nunka halo nuneʼe, tanba “Maromak nunka bosok”. (Tito 1:2) Se nuneʼe, saida mak Maromak sei halo atu kumpre ninia hakarak ba ema?
MAROMAK “SEI HALAKON MATE BA NAFATIN”.—ISAIAS 25:8
HALAKON MATE LIUHUSI SAKRIFÍSIU
Maromak Jeová halo arranju ida atu ema hotu sai livre husi mate. Nia selu ona folin atu sosa fali ema, no arranju neʼe tuir Maromak nia justisa. Tanba ema hotu sala-naʼin no merese mate, Bíblia hatete katak, ema ida mós “labele sosa fali maun-alin ida ka selu folin ba Maromak atu sosa fali ninia maun-alin”, tanba “folin ba ema nia moris mak karun tebes toʼo sira la iha kbiit atu selu folin neʼe”.—Salmo 49:7, 8.
Bainhira ema sala-naʼin ida mate, nia bele selu deʼit ninia sala rasik. Nia labele hetan fali ninia moris, no nia mós labele selu ema seluk nia sala. (Roma 6:7) Ita presiza ema ida neʼebé sala-laek, ema perfeitu ida atu fó ninia moris, laʼós ba ninia sala sira, maibé ba ita-nian.—Ebreu 10:1-4.
Neʼe mak buat neʼebé Maromak halo ona. Nia haruka ninia Oan-Mane, Jesus, husi lalehan mai moris iha rai nuʼudar ema perfeitu no la iha sala. (1 Pedro 2:22) Jesus dehan katak nia mai “atu serbí no atu fó ninia moris hodi sosa fali ema barak”. (Marcos 10:45) Nia mate atu selu ita-nia sala sira no halo ita livre husi mate, atu nuneʼe ita bele hetan moris.—João 3:16.
BAINHIRA MAK MATE SEI LA IHA TAN?
Ohin loron ita moris ho “problema barak neʼebé susar atu tahan”. Neʼe kumpre Bíblia nia profesia katak ita moris iha “loron ikus sira” husi Satanás nia sistema aat neʼe. (2 Timóteo 3:1) Loron ikus sira sei remata ho “loron tesi-lia nian no loron atu halakon ema aat”. (2 Pedro 3:3, 7) Maibé ema neʼebé hadomi Maromak sei hetan salvasaun iha tempu neʼe, no sei simu bensaun “moris rohan-laek”.—Mateus 25:46.
Jesus mai atu “fó ninia moris hodi sosa fali ema barak”.—Marcos 10:45
Ema millaun ba millaun neʼebé mate ona sei hetan oportunidade atu simu moris rohan-laek bainhira sira moris-hiʼas. Bainhira Jesus vizita sidade Naim, nia halo ema mate moris-hiʼas fali. Feto-faluk ida nia oan-mane mesak mak mate. Jesus “hanoin tebes feto neʼe”, no halo joven neʼe Lucas 7:11-15) No mós, apóstolu Paulo hatete: “Haʼu iha esperansa ba Maromak . . . Maromak sei fó moris-hiʼas ba ema neʼebé hatudu hahalok loos no mós ema neʼebé hatudu hahalok la loos.” Esperansa neʼe hatudu katak Maromak iha domin boot ba ema.—Apóstolu 24:15.
moris fali. (Ema rihun ba rihun iha esperansa atu moris ba nafatin. Bíblia hatete: “Ema laran-loos sira sei simu rai nuʼudar sira-nian, no sira sei moris ba nafatin iha rai.” (Salmo 37:29) Iha tempu neʼebá, ita sei kontente tebes no hein namanas atu haree liafuan neʼebé apóstolu Paulo hakerek maizumenus tinan 2.000 liubá sai loos: “Mate, ó-nia kbiit iha neʼebé? Mate, ó-nia venenu iha neʼebé?” (1 Korinto 15:55) Sin, mate neʼebé nuʼudar ita-nia inimigu boot sei lakon!