INFORMASAUN IHA OIN | BÍBLIA—LIVRU ANTIGU NEʼEBÉ NUNKA LAKON
Tanbasá mak Bíblia sei iha nafatin toʼo agora?
Bíblia la lakon mohu. Tan neʼe, ita bele iha Bíblia no mós lee ida-neʼe. No kuandu ita hili Bíblia neʼebé tradús ho loloos, ita bele fiar katak neʼe mak liafuan neʼebé hanesan ho liafuan orijinál. * Maibé tanbasá mak Bíblia sei iha nafatin toʼo ohin loron maski hasoru susar oioin hanesan ita haree ona? Tanbasá Bíblia la hanesan ho livru sira seluk?
“Agora haʼu fiar ona katak Bíblia neʼebé haʼu iha mak prezente diʼak ida husi Maromak”
Ema barak neʼebé estuda didiʼak Bíblia ikusmai iha hanoin hanesan ho apóstolu Paulo, neʼebé dehan: “Maromak mak leno Eskritura hotu.” (2 Timóteo 3:16) Sira fiar katak Bíblia sei iha nafatin tanba neʼe mak Maromak nia Liafuan no Maromak proteje Bíblia toʼo ohin loron. Faizal neʼebé temi ona iha pájina 3 deside atu estuda Bíblia tanba hakarak buka resposta ba ninia dúvida. No ikusmai, nia aprende katak tuir loloos buat barak neʼebé igreja hanorin la bazeia ba Bíblia. Liután neʼe, nia mós aprende saida mak Maromak nia hakarak ba mundu neʼe, no ida-neʼe kona loos Faizal nia laran.
Faizal dehan: “Agora haʼu fiar ona katak Bíblia neʼebé haʼu iha mak prezente diʼak ida husi Maromak. Se Maromak bele kria lalehan no rai, nia mós iha kbiit atu fó livru ida mai ita no proteje livru neʼe hodi labele lakon mohu. Se haʼu dehan Bíblia bele lakon, neʼe hanesan deʼit haʼu hatún Maromak nia kbiit! Haʼu neʼe sé atu hatún Maromak neʼebé Forsa Boot Liu Hotu?”—1 Pedro 1:24, 25.
^ par. 3 Haree informasaun “Bagaimana Memilih Terjemahan Alkitab yang Baik?” iha livru Menara Pengawal 1 Mei 2008.
Karik Ita sei gosta
HANORIN IMPORTANTE SIRA HUSI BÍBLIA
Bíblia laʼós inventa deʼit
Se Bíblia mak husi Maromak, nia tenkesér la hanesan ho ema nia livru.
