Inan-aman iha responsabilidade boot atu hanorin oan kona-ba Jeová. (Éf 6:4) Jeová nia organizasaun fó sai informasaun oioin atu bele ajuda inan-aman sira. Oinsá Ita bele uza informasaun sira-neʼe atu treinu Ita-nia oan?

• Loke JW.ORG. Ita bele hetan informasaun oioin ba labarik no joven sira, inklui vídeo no atividade sira. a Atu bele hetan ida-neʼe, loke Bíblia nia hanorin > Labarik sira, ka Bíblia nia hanorin > Joven sira.

• Hili buat neʼebé diʼak ba Ita-nia oan. Iha parte “Labarik sira”, Ita bele hili vídeo, knananuk, ka atividade neʼebé diʼak ba Ita-nia oan.

• Uza tempu ho Ita-nia oan. Keta husik sira rasik mak haree vídeo ka halo atividade sira tan deʼit Ita hakarak halo sira okupadu. Maibé, koʼalia hamutuk ho sira kona-ba informasaun sira-neʼe no ajuda sira atu haburas relasaun belun ho Jeová.