HAHÚ husi tinan 1992, Grupu Administradór hili ona katuas maduru barak neʼebé iha ona esperiénsia hodi ajuda ho sira-nia serbisu. * Ajuda-naʼin sira-neʼe hili husi “bibi seluk” no sira ajuda tebes Grupu Administradór. (João 10:16) Semana-semana, sira tuir enkontru husi sira rasik nia komisaun ida-idak hodi hatoʼo informasaun balu no fó sujestaun oioin. Maski Grupu Administradór mak foti desizaun, maibé ajuda-naʼin sira halo tuir hodi implementa desizaun husi komisaun sira no sira mós halo ho didiʼak knaar hotu neʼebé sira simu. Ajuda-naʼin sira mós akompaña membru Grupu Administradór bá tuir reuniaun boot espesiál no internasionál. Dala ruma sira mós simu knaar atu bá vizita sukursál nuʼudar reprezentante husi sede-jerál.

Ajuda-naʼin ida neʼebé komesa serbí ona husi tinan 1992 hatete: “Se haʼu kaer didiʼak haʼu-nia knaar neʼebé haʼu simu, Grupu Administradór bele fó atensaun liu ba buat espirituál nian.” Ajuda-naʼin ida seluk neʼebé serbí ona ba tinan 20 resin dehan: “Mehi mós haʼu nunka mehi atu bele hetan priviléjiu boot hanesan neʼe.”

Grupu Administradór fó fiar ba ajuda-naʼin sira-neʼe atu halaʼo knaar oioin no sira mós hafolin tebes irmaun sira-neʼe nia laran-metin hodi serbisu ho badinas. Mai ita hotu “kontinua hafolin ema sira hanesan neʼe”.—Filipe 2:29.