Diskursu espesiál

Bainhira mak ema bele hetan dame no seguransa neʼebé loos?

Ba tinan atus ba atus, ema hakaʼas an atu hetan dame no seguransa. Maibé sira la bele hetan dame neʼebé loos. Tanbasá? Bíblia fó razaun rua tansá mak susar atu hetan dame no seguransa neʼebé loos. Bíblia mós fó promete furak ida-neʼe: Maromak sei lori mundu neʼebé sei iha dame ba nafatin, iha neʼebé ema hotu sei hela ho seguru.

Oinsá mak dame no seguransa neʼe sei sai loos? Saida mak Ita presiza halo atu bele moris iha mundu furak neʼe? Ita bele hetan resposta ba pergunta sira-neʼe hodi rona diskursu públiku ho tema: “Bainhira mak ema bele hetan dame no seguransa neʼebé loos?” Diskursu husi Bíblia neʼe sei hatoʼo iha rai 230 liu iha mundu tomak. Iha rai barak, diskursu hatoʼo iha Salaun Reinu husi Testemuña ba Jeová iha loron-domingu, 18 Abríl 2010. Testemuña ba Jeová sira iha Ita-nia fatin bele fó-hatene oras no reuniaun-fatin ba Ita. Ami ho laran-haksolok, hakarak konvida Ita-Boot atu tuir.