Resposta ba pergunta sira kona-ba Bíblia
Saida mak Maromak nia naran?
Ema ida-idak iha ita-nia família iha naran rasik. Ema balu mós fó naran ba animál neʼebé sira hakiak. Tan neʼe, ita bele fiar katak Maromak mós iha naran. Iha Bíblia laran, Maromak iha títulu barak, hanesan Maromak Forsa Boot Liu Hotu, Naʼi Ukun-Naʼin Boot Liu Hotu, no Kriadór, maibé nia mós iha naran rasik.—Lee Isaías (Yesaya) 42:8.
Iha tradusaun Bíblia barak, ita bele haree Maromak nia naran iha Salmo (Mazmur) 83:18. Porezemplu, iha Bíblia Terjemahan Dunia Baru, eskritura neʼe hatete: “Ita, neʼebé naran Jeová, Ita mesak deʼit mak Aas Liu Hotu iha mundu tomak.”
Tanbasá mak ita tenke uza Maromak nia naran?
Maromak hakarak ita atu uza ninia naran rasik. Kuandu ita koʼalia ho ema neʼebé besik ho ita hanesan ita-nia belun sira, ita sempre uza sira-nia naran rasik. Entaun, ita mós tenke uza Maromak nia naran rasik kuandu ita koʼalia ho nia. Tuir loloos, Jesus Kristu mós hakarak ita atu uza Maromak nia naran.—Lee Mateus 6:9; Joao 17:26.
Maibé, atu sai Maromak nia belun, ita presiza aprende liután kona-ba Maromak. Porezemplu, Maromak iha hahalok saida deʼit? Ita bele duni sai Maromak nia belun ka lae? Ita bele hetan resposta ba pergunta hirak-neʼe iha Bíblia laran.
Karik Ita sei gosta
HANORIN IMPORTANTE SIRA HUSI BÍBLIA
Maromak iha naran ka lae?
Maromak iha títulu oioin, hanesan Aman, Kriadór no Naʼi. Maibé iha Bíblia laran Maromak nia naran mosu maizumenus dala 7.000.
PERGUNTA KONA-BA BÍBLIA
Maromak iha naran hira?
Ema balu hanoin katak Maromak iha naran oioin, hanesan ‘Allah’, ‘El Shaddai’, ‘Jeová-Jire’ no ‘Alfa no Ómega’. Tanbasá mak importante ba ita atu hatene dalan neʼebé loos atu bolu Maromak nia naran?
PERGUNTA KONA-BA BÍBLIA
Maromak nia naran mak Jesus ka lae?
Jesus nunka bolu ninia an rasik nuʼudar Maromak neʼebé Aas Liu Hotu. Tanbasá?
