Resposta ba pergunta sira kona-ba Bíblia
Ita ema bele hatene lia-loos kona-ba Maromak ka lae?
Tanbasá mak Maromak hakarak ita ema hatene lia-loos? lee joão 17:3
Maromak hakarak ita ema iha rai hatene kona-ba nia. Tan neʼe, liuhusi ninia espíritu santu, ka kbiit, nia haruka ema hakerek ninia liafuan iha Bíblia. (2 Pedro 1:20, 21) Ita bele hatene lia-loos kona-ba Maromak hodi lee Bíblia.—Lee João 17:17; 2 Timóteo 3:16.
Iha Bíblia laran, Maromak Jeová fó-hatene buat barak ba ita. Nia fó-hatene ita tansá mak nia kria ita ema, saida mak nia hakarak halo ba ita, no oinsá ita bele halaʼo moris loroloron tuir ninia hakarak. (Apóstolu 17:24-27) Loos, Maromak hakarak duni ita ema atu hatene lia-loos kona-ba nia.—Lee 1 Timóteo 2:3, 4.
Tanbasá mak Maromak hakarak ema neʼebé hadomi lia-loos atu adora nia?
Tanba Jeová mak Maromak lia-loos nian, nia haruka ninia Oan-Mane Jesus mai toʼo rai atu hanorin lia-loos ba ema. Iha tempu neʼebá ema neʼebé hadomi lia-loos mak hakarak rona ba Jesus. (João 18:37) Maromak hakarak ema neʼebé hadomi lia-loos atu adora nia.—Lee João 4:23, 24.
Diabu Satanás habelar ona hanorin falsu oioin no halo ema barak dook husi Maromak. (2 Korinto 4:3, 4) Ema neʼebé la hadomi lia-loos mak gosta hanorin falsu sira-neʼe. (Roma 1:25) Maibé iha mós ema laran-moos rihun ba rihun neʼebé estuda Bíblia no aprende ona lia-loos kona-ba Maromak.—Lee Apóstolu 17:11.
Karik Ita sei gosta
KONA-BA AMI
Tanbasá Estuda Bíblia?
Bíblia ajuda ona ema rihun ba rihun iha mundu tomak hodi hatán ba sira-nia pergunta kona-ba moris. Ita mós hakarak hetan resposta ka lae?
