MATAN-MORIS BÁ NAFATIN!
2022: Tinan neʼebé nakonu ho susar—Saida mak Bíblia dehan?
Durante tinan 2022, ita rona beibeik notísias kona-ba funu, problema ekonomia, no dezastre naturais. Só Bíblia deʼit mak bele esplika akontesimentu sira-neʼe signifika saida.
Signifikadu neʼebé loos husi akontesimentu sira iha tinan 2022
Buat oioin neʼebé akontese iha tinan 2022 hatudu ho klaru liután katak ita moris iha tempu neʼebé Bíblia bolu “loron ikus sira”. (2 Timóteo 3:1) Tempu neʼe hahú iha tinan 1914. Haree toʼok oinsá mak akontesimentu sira-neʼe tuir duni buat neʼebé Bíblia hatete nanis kona-ba ita-nia tempu:
“Funu.”—Mateus 24:6.
“2022 mak tinan neʼebé hamosu fali ema Europa nia taʼuk kona-ba funu.” a
Haree informasaun “Rúsia halo invazaun ba Ukránia”.
“Rai-hamlaha.”—Mateus 24:7.
“2022: Tinan neʼebé problema kona-ba hamlaha sai boot liu.” b
Haree informasaun “Funu iha Ukránia hamosu krize ai-han iha mundu tomak”.
“Moras-peste.”—Lucas 21:11.
“Moras póliu komesa mosu fali, moras monkeypox aumenta, no COVID-19 kontinua lori susar ba ema. Neʼe hatudu ho klaru katak mundu neʼe nakonu ho moras neʼebé bele daʼet no ema nia isin mak fraku.” c
Haree informasaun “Ema millaun 6 mak mate tanba COVID”.
“Ema sei haree buat neʼebé halo sira taʼuk.”—Lucas 21:11.
“Rai-manas, rai-maran, ahi han rai, no inundasaun. Durante tempu manas iha tinan 2022, ema rihun ba rihun mak mate no ema millaun ba millaun tenke husik sira-nia hela-fatin tanba klima neʼebé aat.” d
Haree informasaun “Mundu nia temperatura sai manas liután”.
“Konflitu sira.”—Lucas 21:9, nota.
“Iha tinan 2022 ema barak sai hirus tebes tanba problema ekonomia, liuliu kona-ba sasán nia folin saʼe, tan neʼe manifestasaun hasoru governu mós aumenta.” e
Haree informasaun “Inflasaun neʼebé aas iha mundu tomak”.
Saida mak sei akontese iha tinan oin?
La iha ema ida mak hatene ho loloos saida mak sei akontese iha tinan 2023. Maibé ita hatene duni katak lakleur tan, Maromak nia Ukun, ka governu ida iha lalehan, sei lori mudansa boot mai mundu. (Daniel 2:44) Governu neʼe sei halakon ema nia susar hotu no kumpre Maromak nia hakarak ba mundu.—Mateus 6:9, 10.
Ami enkoraja Ita atu halo tuir Jesus Kristu nia hanorin no “matan-moris nafatin” kona-ba oinsá akontesimentu sira ohin loron kumpre daudaun Bíblia nia profesia. (Marcos 13:37) Favór kontaktu ami atu aprende liután oinsá Bíblia bele ajuda Ita agora, no oinsá neʼe bele ajuda Ita no Ita-nia família atu hetan esperansa kona-ba futuru.
a AP News, “2022 Was Year the Horror of War Returned to Europe”, husi Jill Lawless, 8 Dezembru 2022.
b Programa Alimentár Mundiál (WFP), “A Global Food Crises”.
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X”, husi Lawrence O. Gostin, JD, 22 Setembru 2022.
d Earth.Org, “What’s Behind the Record-Breaking Extreme Weather Events of Summer 2022?” husi Martina Igini, 24 Outubru 2022.
e Carnegie Endowment for International Peace, “Economic Anger Dominated Global Protests in 2022”, husi Thomas Carothers no Benjamin Feldman, 8 Dezembru 2022.
Karik Ita sei gosta
PERGUNTA KONA-BA BÍBLIA
Saida mak sinál kona-ba “loron ikus sira”, ka “mundu neʼe nia rohan”?
Bíblia fó-hatene nanis buat oioin neʼebé akontese iha tempu hanesan nuʼudar “sinál” ba loron ikus sira.
LIVRU HAKLAKEN
Lakleur tan Maromak sei halakon terus hotu
Oinsá mak ita bele hatene katak lakleur tan Maromak sei halakon terus no hahalok la justisa hotu?
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
HANORIN IMPORTANTE HUSI BÍBLIA
Maromak nia Ukun hahú ona iha tinan 1914
Maizumenus tinan 2.600 liubá, Maromak fó mehi ba liurai ida no mehi neʼe sai loos daudaun ohin loron.
TÓPIKU SELUK TAN
Esperansa kapás iha futuru
Oinsá mak Bíblia nia promesa la hanesan ho promesa sira neʼebé ema halo?
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.
