Nuʼudar tinan 2023 hahú, ita hotu espera atu buat diʼak akontese ba ita no ita-nia família. Tanbasá ita bele hanoin pozitivu kona-ba futuru?

 Bíblia fó sai liafuan diʼak katak problema hotu neʼebé ita hasoru agora mak temporáriu deʼit, no lakleur tan neʼe sei remata. Tuir loloos Bíblia “hakerek hodi hanorin ita. Neʼe fó ita esperansa tanba Eskritura sira-neʼe . . . fó kmaan mai ita.”—Roma 15:4.

•   Atu aprende liután kona-ba Bíblia nia promesa sira, lee informasaun “Esperansa kapás iha futuru”.

 Esperansa husi Bíblia mak hanesan ‘ankor ba ita-nia moris’. (Ebreu 6:19) Esperansa neʼe halo ita la namlele bá-mai. Neʼe bele ajuda ita atu tahan hasoru problema, atu iha hanoin pozitivu, no atu sente kontente ba nafatin. Porezemplu:

•   Buka-hatene oinsá esperansa husi Bíblia ajuda mane ida neʼebé lanu-teen. Haree vídeo ‘Ha’u baruk ona ho haʼu-nia moris uluk’.

•   Haree oinsá esperansa husi Bíblia bele ajuda ita kuandu ema neʼebé ita hadomi mate. Haree vídeo Liafuan konsola ba ema neʼebé triste tanba família ka belun mate.

 Ema barak espera atu buat diʼak akontese, maibé sira duvida katak sira-nia esperansa neʼe sei sai loos. Neʼe la hanesan ho buat neʼebé Bíblia promete. Tanbasá? Tanba promesa sira iha Bíblia mak mai husi Maromak Jeová a neʼebé “nunka bosok”. (Tito 1:2) Só Jeová deʼit mak iha kbiit atu kumpre ninia promesa hotu. Nia bele halo “buat hotu neʼebé nia hakarak atu halo”.—Salmo 135:5, 6.

 Ho laran ami konvida Ita atu hetan benefísiu husi Bíblia nia promesa sira. Ita bele hametin Ita-nia esperansa hodi “buka-hatene didiʼak Eskritura”. (Apóstolu 17:11) Ita rasik bele halo ida-neʼe hodi tuir ami-nia kursu Bíblia gratuitu. Hahú tinan 2023 ho esperansa!