Notísias husi Catholic News Service fó sai katak iha 25 Marsu 2022, bainhira halo serimónia iha Basílica de São Pedro, Amu-Papa Francis hamriik iha estátua Maria nia oin hodi “taka matan no hakruʼuk atu halo orasaun nonook”. Nia “harohan ba Maria” atu husu dame. Relatóriu husi Vatican News mós dehan katak “Amu-Papa halo orasaun ba Maria Inan Virjen Sala-laek atu halo santu umanidade tomak, liuliu Rúsia no Ukránia”.

 Ita hanoin oinsá? Diʼak atu halo orasaun iha imajen ka estátua nia oin, ka uza buat sira-neʼe iha adorasaun ka lae? Haree toʼok eskritura balu tuirmai:

•   “Imi labele halo estátua ba imi-nia an ka halo buat naran deʼit atu reprezenta buat neʼebé iha lalehan ka iha rai ka iha bee laran. Imi labele hakruʼuk ba sira ka serbí sira, tanba haʼu, Jeová, imi-nia Maromak, mak Maromak neʼebé hakarak ema atu adora haʼu mesak deʼit.”—Éxodo 20:4, 5. a

•   “Sira-nia estátua sira halo husi osan-mutin no osan-mean, ema nia liman mak halo. Estátua sira-neʼe iha ibun, maibé labele koʼalia; sira iha matan, maibé labele haree; sira iha tilun, maibé labele rona; sira iha inus, maibé labele horon; sira iha liman, maibé labele kaer; sira iha ain, maibé labele laʼo; sira-nia kakorok labele hasai lian. Ema neʼebé halo estátua sira-neʼe sei sai hanesan sira, nuneʼe mós ho ema hotu neʼebé tau fiar ba estátua sira-neʼe.”—Salmo 115:4-8.

•   “Haʼu mak Jeová. Neʼe mak haʼu-nia naran; Haʼu la fahe haʼu-nia glória ho sé deʼit, no la fó haʼu-nia hahiʼi ba estátua sira.”—Isaias 42:8, nota-rodapé.

•   “Halai sees husi adora estátua.”—1 Korinto 10:14.

•   “Hadook an husi estátua.”—1 João 5:21.

 Atu hatene liután saida mak Bíblia dehan kona-ba uza imajen ka estátua iha adorasaun, lee informasaun “Pandangan Alkitab—Benda Keagamaan” ka haree vídeo Maromak simu adorasaun neʼebé uza estátua no imajen ka lae?

 Karik Ita mós hakarak hatene saida mak Bíblia dehan kona-ba tópiku tuirmai:

•   “Oinsá mundu bele iha dame?”

•   “Saida mak Bíblia nia hanorin kona-ba virjen Maria?”

•   “Haruskah Anda Berdoa Kepada Perawan Maria?”

Photo credit: Vincenzo Pinto/AFP via Getty Images