Iha loron 9 Outubru 2024, organizasaun World Wildlife Fund (Fundu Mundiál ba animál fuik) fó sai relatóriu triste kona-ba impaktu husi ema nia atividade ba animál fuik sira. Relatóriu neʼe fó sai katak “durante tinan 50 nia laran (1970-2020), média ba populasaun animál fuik sira neʼebé ema monitora menus porsentu 73.” Relatóriu neʼe hatete: “Ami bele koʼalia ho fiar an katak saida mak akontese iha tinan lima tuirmai sei determina oinsá moris hotu nia futuru iha mundu neʼe.”

 Ema barak hakfodak ho relatóriu sira-neʼe. Ita hadomi ita-nia planeta furak no lakohi haree animál fuik sira terus. Ita sente hanesan neʼe tanba Maromak hakarak ita atu tau matan ba animál sira.—Génesis 1:27, 28; Provérbios 12:10.

 Entaun karik Ita hanoin: ‘Ita bele proteje animál fuik sira iha mundu neʼe ka lae? Saida mak Bíblia dehan?’

 Maski ita koko makaʼas proteje animál sira, maibé loloos só Maromak mak bele proteje sira. Bíblia fó sai nanis iha Apokalipse 11:18, katak Maromak sei “halakon sira neʼebé estraga daudaun mundu”. Versíkulu neʼe hanorin ita buat rua:

1.  1. Maromak sei hapara ema atu la estraga totál ka harahun mundu neʼe.

2.  2. Lakleur tan Maromak sei halo buat ruma. Oinsá mak ita hatene ida-neʼe? Tanba ohin loron iha risku boot liután atu ema estraga animál sira liu fali tempu uluk.

 Saida mak Maromak sei halo atu rezolve problema neʼe? Nia sei uza ninia governu iha lalehan atu ukun mundu tomak. (Mateus 6:10) Governu neʼe sei hanorin no fó treinu ba ema atu tau matan no proteje animál fuik sira iha mundu.—Isaias 11:9.