Iha 24 Maiu 2022, trajédia boot ida mosu iha sidade kiʼik Unvalde, Texas, Estadus Unidus. Livru The New York Times dehan: “Mane ida lori kilat oho labarik naʼin-19 no mestre naʼin-rua . . . iha eskola primária Robb.”

 Triste tanba akontesimentu aat hanesan neʼe sempre mosu. Relatóriu husi USA Today fó sai katak iha Estadus Unidus “durante tinan kotuk akontese masakre iha eskola oioin dala 249. Ida-neʼe mak aat liu fali tinan seluk hahú husi tinan 1970”.

 Tanbasá akontesimentu aat hanesan neʼe mosu? Oinsá ita bele tahan hasoru akontesimentu sira-neʼe? Iha ka lae esperansa katak violénsia sei lakon? Bíblia fó ninia resposta.

•    Bíblia bolu ita-nia tempu nuʼudar “loron ikus sira” neʼebé ema barak sei “la hadomi malu” no “siʼak”, no neʼe katak ema sei laran-aat no halo hahalok neʼebé aat. Ema sira hanesan neʼe “sei sai aat liután”. (2 Timóteo 3:1-5, 13) Atu aprende liután, haree informasaun “Bíblia fó sai nanis kona-ba ema sira-nia hahalok ohin loron ka lae?”

 Ema barak hanoin: ‘Tanbasá Maromak la prevene situasaun hanesan masakre iha eskola atu labele akontese?’ Atu haree Bíblia nia resposta, lee informasaun “Orang Baik Tertimpa Musibah—Mengapa?”

•    “Buat hotu neʼebé hakerek ona horiuluk kedas, hakerek hodi hanorin ita. Neʼe fó ita esperansa tanba Eskritura sira-neʼe . . . fó kmaan mai ita.”—Roma 15:4.

 Bíblia nia prinsípiu bele ajuda Ita tahan hasoru violénsia neʼebé akontese iha mundu neʼe. Atu hatene liután, haree livru Sedarlah! ho títulu “Apakah Kekerasan Akan Berakhir?”

 Atu haree sujestaun ba inan-aman sira kona-ba oinsá atu ajuda oan tahan hasoru akontesimentu aat neʼebé sira haree ka rona iha notísias, lee informasaun “Tayangan Berita yang Meresahkan dan Anak Anda”.

•    “Nia sei salva sira husi ema neʼebé hanehan sira no husi violénsia.”—Salmo 72:14.

•    “Sira sei tuku sira-nia surik sai xarrua no tuku sira-nia diman sai sabit. Nasaun sei la foti tan surik hasoru nasaun seluk, no sira mós sei la aprende tan funu.”—Miqueias 4:3.

 Maromak sei halo buat neʼebé ema rasik labele halo. Ninia Ukun neʼebé iha lalehan sei halakon hotu armas funu nian no violénsia. Atu aprende liután kona-ba saida mak Maromak nia Ukun sei halo, lee informasaun “Iha Maromak nia Ukun okos ‘dame sei sai barak’”.