Ema barak baruk ona ho polítiku-naʼin sira neʼebé halo korrupsaun, no sira hakarak tebes atu iha ukun-naʼin sira neʼebé sira bele tau fiar. Peskiza ida iha mundu tomak neʼebé fó sai iha tinan 2023 hatudu katak ema la tau fiar liu ba governu nia ukun-naʼin sira se kompara ho ema ho profisaun seluk. a

 Bíblia koʼalia kona-ba governu neʼebé iha Ukun-Naʼin ida neʼebé onestu, la halo korrupsaun no ema bele tau fiar tomak. Governu neʼe mak Maromak nia Ukun no ninia Ukun-Naʼin mak Jesus Kristu.—Isaias 9:7.

 Jesus prova ona liuhusi ninia hahalok sira katak nia hanoin duni ema seluk. (Mateus 9:35, 36) Nuʼudar Liurai ba Maromak nia Ukun, nia sei lori justisa no dame ba ema hotu neʼebé simu ninia ukun.—Salmo 72:12-14.