Ohin loron, ema barak iha mundu tomak sente susar tebes atu buka osan hodi sustenta moris, no nuʼudar tempu liu daudaun sei sai susar liután.

•   Foin lalais, reportajen iha mundu tomak a fó sai katak “kompara ho tempu uluk, agora ema bele sosa sasán uitoan deʼit ho saláriu neʼebé sira simu fulan-fulan, tanba osan nia valór tun makaʼas”. Reportajen neʼe mós fó avizu katak se la iha mudansa, “sei iha diferensa boot entre ema neʼebé riku no ema neʼebé kiak no família barak sei la halaʼo moris neʼebé diʼak hanesan uluk”.

 Governu sira iha kapasidade atu hadiʼa krize ekonomia neʼe ka lae?

 Bíblia fó sai katak iha governu ida neʼebé bele no sei rezolve problema ekonomia hotu, inklui halakon diferensa boot entre ema riku no ema kiak. Bíblia dehan katak “Maromak iha lalehan sei harii ukun ida”, neʼe mak governu ida neʼebé sei ukun no rezolve problema hotu iha mundu tomak. (Daniel 2:44) Governu neʼe sei la haluha ema ida no tau matan didiʼak ema hotu. (Salmo 9:18) Ema hotu neʼebé moris iha Maromak nia Ukun sei iha buat neʼebé sira presiza atu moris kontente. Ema hotu sei goza duni rezultadu diʼak husi sira-nia serbisu makaʼas.—Isaias 65:21, 22.