MATAN-MORIS BÁ NAFATIN!
Rúsia halo invazaun ba Ukránia
Iha madrugada loron 24 Fevereiru 2022, Rúsia nia militár hahú halo invazaun ba Ukránia. Neʼe akontese maski ema-boot husi rai oioin koko hapara. Oinsá mak funu neʼe sei fó impaktu ba mundu? Sekretáriu-jerál husi Nasoins Unidas, António Guterres, hatete: “Konflitu neʼe sei hamosu terus boot, estraga buat barak, no fó impaktu ba seguransa iha Europa no mós ba mundu tomak.”
Tuir Bíblia, akontesimentu hanesan neʼe iha signifika saida?
Jesus Kristu fó-hatene nanis katak “nasaun ida sei kontra nasaun seluk no ukun ida sei kontra ukun seluk”. (Mateus 24:7) Atu hatene liután saida mak Bíblia hatete kona-ba funu, lee artigu “Saida deʼit mak sinál ba ‘loron ikus sira’, ka ‘mundu nia rohan’?”.
Livru Apokalipse iha Bíblia koʼalia kona-ba funu hodi uza ai-knanoik kona-ba ema neʼebé saʼe ‘kuda kór-mean lakan’ neʼebé “hasai tiha dame husi rai”. (Apokalipse 6:4) Atu buka-hatene oinsá profesia neʼe liga ho funu sira neʼebé akontese ohin loron, lee artigu “Kuda haat husi livru Apokalipse—Sira reprezenta saida?”.
Livru Daniel fó-hatene nanis kona-ba “liurai norte” no “liurai súl” neʼebé kontra malu. (Daniel 11:25-45) Atu aprende tanbasá ita hatene katak Rúsia no nasaun neʼebé apoia nia mak sai hanesan liurai norte, haree vídeo Profesia neʼebé kumpre ona—Daniel kapítulu 11. a
Apokalipse mós koʼalia kona-ba “funu iha Maromak neʼebé Kbiit Boot Liu Hotu nia loron boot”. (Apokalipse 16:14, 16) Maibé, neʼe la refere ba funu entre nasaun sira agora daudaun. Atu hatene liután kona-ba funu neʼebé temi iha livru Apokalipse, lee artigu “Saida mak funu Armagedon?”.
Tanbasá ita bele iha esperansa kona-ba futuru?
Bíblia esplika katak Maromak sei “hapara funu sira iha mundu tomak”. (Salmo 46:9) Atu hatene liután kona-ba futuru neʼebé Maromak promete, lee artigu “Esperansa kapás iha futuru”.
Jesus hanorin ninia dixípulu atu halo orasaun hodi husu Maromak nia Ukun toʼo mai. (Mateus 6:9, 10) Ukun neʼe mak governu ida iha lalehan neʼebé sei kumpre Maromak nia hakarak ba mundu, no neʼe inklui atu lori dame iha mundu tomak. Atu hatene liután saida deʼit mak Ukun neʼe sei halo, haree vídeo Saida mak Maromak nia Ukun?
Testemuña ba Jeová naʼin-129.000 liu mak hela iha Ukránia. Hanesan Testemuña sira iha rai hotu, sira banati-tuir Jesus hodi nafatin neutrál kona-ba buat polítiku no la hola parte iha funu. (João 18:36) Iha mundu tomak, Testemuña ba Jeová kontinua haklaken “liafuan diʼak kona-ba Maromak nia Ukun” neʼebé sei halakon problema sira iha mundu neʼe, inklui funu. (Mateus 24:14) Ami konvida Ita atu kontaktu ami hodi aprende liután kona-ba Bíblia nia mensajen neʼebé lori esperansa.
a Atu komprende liután kona-ba profesia neʼe, lee informasaun “‘Liurai norte’ iha tempu nia rohan” no “Ohin loron, sé mak ‘liurai norte?’”
Karik Ita sei gosta
MATAN-MORIS BÁ NAFATIN!
Refujiadu sira husi rai-Ukránia—Buat neʼebé Bíblia hatete
Bíblia fó sai tanbasá mosu problema kona-ba refujiadu no esplika solusaun ba problema neʼe.
PERGUNTA KONA-BA BÍBLIA
Saida mak Maromak nia Reinu sei halo?
Aprende kona-ba buat neʼebé ita hein kuandu Maromak nia Governu ukun mundu tomak.
HANORIN IMPORTANTE SIRA HUSI BÍBLIA
Saida mak Maromak nia Ukun?
Bainhira Jesus iha rai, nia haklaken liuliu kona-ba Maromak nia Reinu, ka Ukun. Ba tinan atus ba atus, ema halo orasaun atu Maromak nia Reinu neʼe toʼo mai.
TÓPIKU SELUK TAN
Mundu neʼe sei lakon mohu ka lae? Saida mak “Apokalipse”?
Maski Bíblia dehan katak planeta mundu sei iha ba nafatin, maibé Bíblia mós koʼalia kona-ba mundu neʼebé sei lakon.
PERGUNTA KONA-BA BÍBLIA
Saida mak Terus Boot?
Profesia kona-ba mundu nia rohan fó sai katak sei iha tempu neʼebé susar liu hotu iha ema nia istória. Buat saida deʼit mak sei akontese?
BÍBLIA NIA HANORIN
Koko ami-nia kursu Bíblia
Hahú kursu Bíblia ho gratuitu hamutuk ho Testemuña ida.
