Ahi han área luan hektar millaun ida liu iha New South Wales no Queensland, Austrália. Tanba dezastre neʼe, feen-laʼen Testemuña ida lakon sira-nia hela-fatin. Maski nuneʼe, la iha irmaun ka irmán neʼebé mate ka hetan kanek, no ita-nia Reuniaun-Fatin sira mós la hetan impaktu husi dezastre neʼe.

Autoridade sira hatete katak karik ema balu ho neon komesa ahi sira-neʼe balu. Husi fulan-Setembru, ema naʼin-neen mak mate no uma hamutuk 650 mak hetan estragu tanba ahi han.

Maizumenus irmaun-irmán naʼin-200 liu presiza sai husi sira-nia uma no hela iha fatin neʼebé seguru, maibé agora sira fila fali ona ba sira ida-idak nia uma. Feen-laʼen neʼebé lakon sira-nia uma tanba dezastre neʼe, agora daudaun hela iha maluk Kristaun nia uma. Katuas sira fó anima husi Bíblia ba sira neʼebé sai vítima ba dezastre neʼe.—Apóstolu 20:28.