Testemuña ba Jeová maizumenus naʼin-300 husi Austrália tomak partisipa iha haklaken públiku iha Wollongong, Austrália, durante eventu kompetisaun internasionál kona-ba halai bisikleta (Union Cycliste Internationale Road World Championships) iha loron 18-25 Setembru 2022. Kada tinan, vizitante naʼin-200.000 liu husi nasaun 70 mai atu tuir kompetisaun neʼe.

Irmaun-irmán sira fahe publikasaun 600 liu no ajuda ema barak download publikasaun iha sira-nia língua rasik. Iha ema naʼin-18 mak husu atu estuda Bíblia. Hahú husi Setembru, ema naʼin-5 neʼebé foin estuda Bíblia komesa tuir reuniaun sira beibeik. Irmaun ida hatete: “Jeová haraik duni bensaun ba irmaun-irmán sira neʼebé hola parte iha haklaken públiku neʼe.” Haklaken-naʼin ida hatete: “Irmaun-irmán sira simu malu ho laran. Haʼu fila ba uma ho memória neʼebé furak no haʼu sente laran-manas liután ba serbisu haklaken.”

Ita kontente ho ita-nia irmaun-irmán sira iha Austrália nuʼudar sira ho orgullu “fó-hatene kona-ba ita-nia Maromak neʼebé boot!”—Deuteronómio 32:3.