Husi 16 Outubru 2019, akontese beibeik rai-nakdoko makaʼas iha parte súl husi rai-Filipinas. Rezultadu mak ema naʼin-21 mate, naʼin-400 hetan kanek no ema naʼin-35.000 liu tenke sai husi sira-nia uma. Maizumenus iha rai-nakdoko tolu neʼebé iha forsa magnitude 6.0 liu. Toʼo agora, rai-nakdoko kiʼik-kiʼik kontinua akontese iha área neʼe. La iha irmaun ka irmán ruma neʼebé mate. Maibé ita-nia irmán ida hetan kanek neʼebé kmaan.

Iha Reuniaun-Fatin haat no irmaun-irmán sira-nia uma hamutuk 195 mak naksobu no rahun; maibé Reuniaun-Fatin sia no irmaun-irmán sira-nia uma hamutuk 351 mak naksobu parte balu. Agora daudaun, ita-nia irmaun-irmán barak hela iha tenda temporáriu, tanba kondisaun seidauk seguru atu sira bele hela iha sira-nia uma.

Sukursál iha rai-Filipinas forma ona komisaun rua neʼebé iha knaar atu ajuda bainhira dezastre. Reprezentante naʼin-6 husi sukursál, inklui membru tolu husi Komisaun ba Sukursál, bá vizita ona irmaun-irmán sira atu hametin no fó kmaan ba sira husi Bíblia.

Ita halo orasaun ba Jeová atu nia kontinua ajuda ita-nia irmaun-irmán sira neʼebé hetan susar husi rai-nakdoko neʼe.—Salmo 70:5.