Ba tinan tolu irmaun sira halo planu, preparasaun, no orasaun ho laran, ikusmai gravasaun ba vídeo série Liafuan diʼak husi Jesus hahú ona iha loron-sesta 20 Maiu 2020. Grupu internasionál neʼebé forma iha Austrália kontente tebes ho akontesimentu neʼe. Irmaun Geoffrey Jackson, membru husi Grupu Administradór neʼebé tuir eventu neʼe hatete: “Haʼu kontente tebes atu haree irmaun-irmán sira-nia laran-manas ba projetu atu halo vídeo boot ba minutu 1.000 kona-ba Jesus nia moris, neʼebé sei kona ema millaun ba millaun nia hanoin no laran.”