Iha loron 1 Juñu 2023, Departamentu Konservasaun Ambiente iha Estadu Novaiorke fó lisensa atu hamoos ai-hun sira neʼebé tesi ona iha área Ramapo. Ai-hun sira tesi hotu ona iha loron 18 Marsu, neʼe mak maizumenus semana rua antes tempu neʼebé autoridade lokál haruka atu remata serbisu neʼe.

Irmaun Robert McRedmond, neʼebé serbí nuʼudar koordenadór ba Komisaun ba Projetu Konstrusaun (KPK) iha Ramapo, hatete: “Ho projetu boot hanesan neʼe, ami komprende katak lisensa ida-idak neʼebé ita hetan halo projetu konstrusaun bele komesa lalais liu. Ami haree ona oinsá Jeová rezolve problema oioin neʼebé hanetik projetu neʼe, no ami fiar katak Jeová sei ajuda ita hasoru problema sira neʼebé sei mosu iha futuru.”—Isaias 57:14.

KPK kontinua serbisu hamutuk ho autoridade lokál sira atu hetan aprova ba planu oioin ba serbisu konstrusaun neʼe.