Ami laran-manas atu fó sai katak durante tinan serbisu nian 2019, ema naʼin-300.000 liu mak hetan batizmu nuʼudar Testemuña ba Jeová. Hahú husi tinan 1999, neʼe mak dala primeiru, ema neʼebé hetan batizmu hamutuk naʼin-300.000 liu. Ita fó glória ba Jeová tanba haraik ona bensaun ba ita-nia serbisu haklaken no hanorin ema atu sai dixípulu.

Durante tinan serbisu nian 2019 iha mós akontesimentu istóriku no eventu sira seluk: reuniaun boot internasionál, fó sai Bíblia iha língua oioin, no irmaun-irmán sira neʼebé hatudu sira-nia fiar liuhusi dalan oioin. Porezemplu, irmaun-irmán balu ajuda bainhira dezastre akontese. Tuirmai mak totál ba relatóriu serbisu nian husi mundu tomak. a

• Nasaun ka rai neʼebé fó relatóriu: 240

• Ema neʼebé asiste Memoriál hamutuk: 20.919.041

• Haklaken-naʼin máximu: 8.683.117

• Ema neʼebé hetan batizmu: 303.866

Relatóriu diʼak hanesan neʼe motiva ita atu halo tuir Jesus nia konsellu hanesan hakerek iha eskritura ba tinan 2020: “Laʼo bá no hanorin ema . . . atu sai haʼu-nia dixípulu, fó batizmu ba sira.”—Mateus 28:19.