Iha loron 8 fulan-Agostu 2019, tribunál iha sidade Samarinda foti desizaun atu apoia labarik naʼin-tolu neʼebé hasai husi eskola tanba sira la kontinénsia ba bandeira no kanta inu nasionál. Tribunál hapara eskola nia desizaun no dehan katak eskola halo sala no tenkesér simu fali labarik naʼin-tolu neʼe. Desizaun neʼe hatudu katak sala atu fó kastigu ba labarik tanba moris tuir sira-nia inan-aman nia relijiaun. Tribunál nia desizaun neʼe mós hatudu katak lei Indonézia fó direitu ba inan-aman atu hanorin relijiaun ba sira-nia oan.

Iha fulan-Dezembru 2018, eskola hasai Yonatan Tunbonat neʼebé tinan 7, Yosua Tunbonat tinan 10, no Maria Tunbonat tinan 12. Tribunál rekoñese katak kuandu labarik sira-neʼe la partisipa iha serimónia nasionál nian, la dehan katak sira kontra konstituisaun ka lei seluk, no neʼe la signifika katak labarik sira-neʼe la respeitu nasaun nia kostume no símbolu nasaun nian.

Ita kontente tribunál foti desizaun neʼebé hatudu respeitu ba labarik nia relijiaun no husik sira tama fali eskola. Ita hein katak desizaun neʼe sei ajuda mós labarik seluk neʼebé hasoru problema hanesan iha eskola iha rai-Indonézia.