Husi loron 7 Outubru 2023, mosu violénsia no konflitu boot iha Izraél no Gaza. Ema rihun ba rihun mak evakua. Notísias fó sai katak maizumenus ema naʼin-4.200 mak mate.

• Ita-nia irmaun-irmán sira la iha ida mak mate ka kanek

• Haklaken-naʼin 93 mak husik ona sira-nia hela-fatin

• Uma tolu hetan estragu uitoan

• Reuniaun-fatin sira la hetan estragu

• Katuas área no katuas kongregasaun sira fó ajuda no fó kmaan husi Bíblia ba sira neʼebé hetan impaktu husi konflitu

• Komisaun ba dezastre hetan knaar atu tau matan ba situasaun neʼe

Ita-nia irmaun-irmán sira neʼebé kona konflitu hakaʼas an atu kontinua hametin sira-nia fiar hodi halibur hamutuk liuhusi vídeo konferénsia. Katuas área ida hatete: “Maski ami sente susar tanba la hatene saida mak sei akontese iha loron tuirmai, maibé ami hetan korajen hodi haree irmaun-irmán sira-nia fiar neʼebé metin no oinsá sira hatudu domin ba malu.”

Ita fiar metin katak lakleur tan Maromak “sei hapara funu sira iha mundu tomak” no ita hein namanas ba promesa neʼe sei sai loos.—Salmo 46:9.