Irmaun Jean-Yves no ninia feen, Vasthie Mudaheranwa, husi sidade Montreál, rai-Kanadá, hasoru situasaun perigu loroloron. Tanbasá? Tanba irmaun Jean-Yves mak terapeuta respirasaun iha ospitál, no irmán Vasthie mak enfermeira iha fatin tratamentu ba COVID-19. Durante tempu susar neʼe, sira simu kbiit husi Jeová no sente rasik Jeová nia promesa kona-ba “laran-kontente”.—Isaias 65:14.

Irmaun Jean-Yves hatete: “Haʼu-nia kolega barak taʼuk tebes, haʼu nunka haree sira taʼuk hanesan neʼe.” Irmán Vasthie hatete: “Estuda mesak ajuda tebes ami. Ami medita kona-ba sinál sira husi loron ikus no ami fó-hanoin ami-nia an rasik katak Jeová hamutuk ho ami no nia sei la husik. Orasaun mós importante tebes. Antes haʼu bá serbisu, haʼu hahú haʼu-nia loron hodi halo orasaun no hetan dame.”

Irmaun Jean-Yves esplika: “Haʼu husi rai-Ruanda no uluk haʼu moris iha tempu funu. Iha rai-Kanadá, ita nunka haree funu akontese, tan neʼe dala ruma ita haluha katak ita moris hela iha loron ikus sira. Dala ruma, haʼu mós haluha katak Jeová nia loron besik tebes ona. Pandemia COVID-19 halo haʼu fiar metin liután katak ita moris duni iha loron ikus sira, no neʼe mós hametin haʼu-nia fiar ba Bíblia no ba Bíblia nia profesia sira.”

Buat neʼebé irmaun Jean-Yves no irmán Vasthie sente mak hanesan ho buat neʼebé Jeová nia povu iha mundu tomak mós sente, sira nafatin iha dame durante tempu susar neʼe.—Isaias 48:18.