5 JULLU 2019
PORTUGÁL
Lizboa, Portugál—Reuniaun boot internasionál 2019 “Domin Nunka Lakon”!
Data: 28-30 Juñu 2019
Fatin: Estádio do Sport Lisboa e Benfica, Portugál
Língua sira: Inglés, Portugés (Portugál), língua liman Portugál nian, Españól
Ema neʼebé asiste reuniaun boot: 63.390
Ema neʼebé hetan batizmu: 451
Delegadu internasionál: 5.300
Sukursál neʼebé hetan konvite: Angola, Australásia, Brazíl, Kanadá, Amérika Sentrál, Gana, Índia, Mosambike, Senegál, España, Estadus Unidus Amérika, Venezuela
Esperiénsia: Señór Santos mak kondutór ida ba bís neʼebé tula delegadu sira. Bainhira irmaun ida neʼebé tau matan ba delegadu konvida nia atu asiste reuniaun boot, Señór Santos hatete: “Haʼu hakarak bá. Husi loron neʼebé haʼu komesa serbisu ho imi, haʼu sente dame neʼebé kleʼan loos. Haʼu la hatene dame neʼe mai husi neʼebé, maibé haʼu sente duni dame neʼe. Haʼu presiza hein iha estádiu loron tomak, entaun haʼu hakarak tuir reuniaun neʼe.” Depois reuniaun boot, Señór Santos dehan katak nia gosta tebes reuniaun neʼe. Nia hela iha knua ida iha Lizboa nia liʼur. Durante reuniaun boot, nia hasoru irmaun ida neʼebé hela iha knua seluk neʼebé besik nia. Señór Santos halo planu atu hasoru fali irmaun neʼe kuandu nia fila fali ba ninia knua.
Irmaun-irmán iha Portugál fó benvindu delegadu sira neʼebé foin toʼo iha aeroportu
Delegadu sira toʼo iha sukursál Portugál
Irmaun Geoffrey Jackson, membru ida husi Grupu Administradór, hatoʼo diskursu ikus iha reuniaun boot loron primeiru.
Irmaun-irmán sira kanta ho língua liman Portugál nian
Irmán foun ida hetan batizmu
Irmán kiʼik husi Portugál foto hamutuk ho Caleb no Sofia
Delegadu sira kanta knananuk ikus iha reuniaun boot
Irmaun-irmán sira neʼebé serbisu tempu-tomak iha rai oioin foti liman ba ema bainhira reuniaun boot remata
Delegadu sira ho irmaun ida haklaken iha fatin públiku
Irmaun-irmán husi Portugál aprezenta dansa tradisionál ba delegadu sira
Irmaun-irmán neʼebé kanta no dansa iha festa foti liman ba rona-naʼin