20 JUÑU 2023
RÚSIA

“Haʼu bele fiar metin no laran-metin nafatin”

LOKE

Tribunál Distritu Oktyabrskiy iha sidade Novosibirsk lakleur tan sei fó anúnsiu ba desizaun neʼebé kona irmán Tatyana Oleynik. Prokuradór seidauk deside kona-ba kastigu neʼebé irmán Tatyana sei hetan.

Informasaun pesoál

Tatyana Oleynik

Tinan moris: 1952 (Khrushchevo, área Tula)

Istória moris: Inan mate bainhira Tatyana tinan lima. Serbisu nuʼudar kondutór ba tratór. Iha oan mane ida no oan feto ida.

Batizmu nuʼudar Testemuña ba Jeová ida iha tinan 2001

Komentáriu pesoál

Hahalok Kristaun saida mak ajuda Ita durante tempu susar neʼe?

Iha situasaun susar neʼe nia laran, haʼu komprende liután katak hahalok haraik an mak importante duni. Uluk, dala barak haʼu halo buat ruma tuir haʼu-nia dalan rasik. Maibé haʼu hetan benefísiu tanba halo tuir matadalan husi organizasaun, no neʼe motiva haʼu atu kontinua halo tuir matadalan sira.

Benefísiu saida mak Ita hetan hodi haree irmaun-irmán sira-nia ezemplu neʼebé tahan hasoru terus ho aten-brani?

Bainhira haʼu lee ka rona sira-nia esperiénsia, neʼe halo haʼu fiar katak haʼu la mesak. Se irmaun-irmán sira bele tahan hasoru susar, neʼe katak haʼu bele fiar metin no laran-metin nafatin ba Jeová. Haʼu koñese didiʼak irmaun Aleksandr Seredkin no ninia feen. Agora daudaun nia iha komarka laran hela tanba nia simu kastigu ba tinan neen. Sira-nia ezemplu hametin duni haʼu no hatudu katak Jeová bele uza dalan oioin atu ajuda ita. Liafuan iha Ebreu 13:5, 6 mak loos duni: “Tanba nia dehan ona: ‘Haʼu sei nunka husik ó, no haʼu sei nunka fila kotuk ba ó.’ Atu nuneʼe ita bele sai brani no dehan: ‘Jeová mak haʼu-nia ajuda-naʼin; haʼu sei nunka taʼuk.’”

Ita fiar katak Jeová sei kontinua haraik bensaun ba irmán Tatyana no sira hotu neʼebé prova katak sira “prontu atu halo tuir” Jeová iha buat hotu.—Tiago 3:17.

Kronolojia

19 Abríl 2019

Polísia halo revista ba irmán Tatyana nia uma
18 Novembru 2021

Komesa prosesu nuʼudar kazu kriminál
26 Janeiru 2023

Komesa halaʼo julgamentu

NOTÍSIAS