Iha 2 Fevereiru 2024, anin neʼebé boot no klima neʼebé manas tebes hamosu ahi lakan neʼebé makaʼas no perigu iha área Valparaíso iha rai-Xile. Ahi neʼe estraga uma 15.000 liu no besik sidade Viña del Mar neʼebé iha populasaun neʼebé boot. Maizumenus ema naʼin-40.000 mak kona dezastre neʼe. Sira barak nafatin la iha eletrisidade ka bee. No nafatin susar ba bombeiru, ambulánsia no enfermeira atu bá toʼo iha área sira-neʼe. Ema atus ba atus mak hetan kanek. Ema naʼin-130 liu mak mate.

• Triste mak irmán ida mate

• Irmaun ida hetan kanek todan

• Irmaun no irmán naʼin-24 hetan kanek kiʼik

• Irmaun no irmán naʼin-715 hetan evakua

• Uma 72 rahun

• Uma 2 hetan estragu boot

• Uma 1 hetan estragu kiʼik

• La iha Reuniaun-Fatin mak hetan estragu

• Maizumenus irmaun no irmán naʼin-4.700 mak hela iha área neʼebé kona dezastre

• Komisaun ba dezastre simu knaar atu organiza ajuda umanitária

• Reprezentante husi sukursál Xile hetan knaar atu bá área neʼebé kona dezastre hodi bele anima irmaun-irmán sira. No mós katuas área no katuas kongregasaun sira fó ajuda iha dalan espirituál no fíziku ba sira neʼebé kona dezastre

Ita fiar katak Jeová haree “terus no susar sira” husi ema neʼebé kona dezastre neʼe, no lakleur tan nia sei halakon dezastre naturais ba nafatin.—Salmo 10:14.