Testemuña ba Jeová mak Protestante ka lae?

LOKE

Lae. Testemuña ba Jeová mak ema kristaun maibé ami laʼós protestante. Tanbasá?

Ema koñese relijiaun Protestante nuʼudar “grupu neʼebé kontra hasoru relijiaun Katólika”. Maski Testemuña ba Jeová la konkorda ho Igreja Katólika nia doutrina balu, maibé ami la hanoin katak ami protestante tanba razaun tuirmai neʼe:

Protestante nia hanorin balu la hanesan ho buat neʼebé Bíblia hanorin. Porezemplu, Bíblia hanorin katak “iha Maromak ida deʼit” laʼós Trindade. (1 Timóteo 2:5; João 14:28) Bíblia hanorin ho loloos katak kastigu ba ema aat mak mate ba nafatin, laʼós hetan terus iha infernu.—Salmo 37:9; 2 Tesalónika 1:9.
Ami la protesta ka koko atu reforma relijiaun Katólika ka relijiaun sira seluk. Ami haklaken liafuan diʼak kona-ba Maromak nia Reinu, ka Ukun no ajuda ema tau fiar ba liafuan diʼak neʼe. (Mateus 24:14; 28:19, 20) Ami lakohi reforma husi relijiaun sira seluk, maibé ami kontente atu hanorin lia-loos kona-ba Maromak nia Liafuan, Bíblia, ba ema sira neʼebé hakarak duni atu aprende.—Koloso 1:9, 10; 2 Timóteo 2:24, 25.