Tansá mak Testemuña ba Jeová hanaran sira-nia igreja nuʼudar “reuniaun-fatin”?
Iha Bíblia nia tempu, liafuan gregu neʼebé dala ruma tradús nuʼudar “igreja”, neʼe mak kona-ba grupu ema fiar-naʼin sira. Liafuan neʼe la uza ba fatin ka uma neʼebé sira halibur malu.
Tan neʼe, ami bolu ami-nia fatin adorasaun nian nuʼudar “reuniaun-fatin”.
Imi halo saida deʼit iha “Reuniaun-Fatin husi Testemuña ba Jeová”?
Semana-semana, ema rihun ba rihun tuir beibeik ami-nia reuniaun iha mundu tomak.
Ami halibur hamutuk atu adora Jeová, Maromak Bíblia nian. Ami mós halibur hamutuk atu koʼalia kona-ba oinsá atu haklaken kona-ba Maromak Jeová.—Salmo 83:18; Isaías 43:12.
Ami mós aprende kona-ba Maromak nia Ukun, neʼebé Jesus haklaken no hanorin beibeik.—Mateus 6:9, 10; 24:14; Lucas 4:43.
Ami hakarak konvida Ita-Boot atu mai vizita ami-nia reuniaun-fatin hodi bele haree ho Ita-nia matan rasik oinsá ami Testemuña ba Jeová halaʼo ami-nia reuniaun sira.
Karik Ita sei gosta
PERGUNTA SIRA NEʼEBÉ BAIBAIN EMA HUSU
Oinsá mak Testemuña ba Jeová organiza kongregasaun sira?
Buka-hatene toʼok oinsá mak ita simu matadalan no hanorin husi arranju neʼe.
KONA-BA AMI
Tuir reuniaun sira
Buka-hatene kona-ba ami-nia reuniaun sira. Buka reuniaun-fatin besik Ita-nia área.